Politike

"Mbështesim pavarësinë e tyre"/ Gonzato: Raportimi për ndërhyrjen e BE në ODIHR është i rremë!

Gonzato duke folur me gazetarët pas takimit me kryetarin e KQZ-së, Ilirjan Celibashin theksoi gjithashtu se zgjedhjet e 11 majit kanë rëndësi të veçantë, pasi janë të parat që zhvillohen pas hapjes së negociatave të anëtarësimit të Shqipërisë në BE.

2 Maj 2025, 11:11 Nga E. D
"Mbështesim pavarësinë e
Silvio Gonzato

TIRANË- Ambasadori i Bashkimit Europian në Tiranë, Silvio Gonzato, ka mohuar pretendimet për ndikim të BE-së në misionin e ODIHR, duke i cilësuar si të pavërteta lajmet se janë ndërhyrë për të hequr emra nga raportet e tyre.

Gonzato duke folur me gazetarët pas takimit me kryetarin e KQZ-së, Ilirjan Celibashin theksoi gjithashtu se zgjedhjet e 11 majit kanë rëndësi të veçantë, pasi janë të parat që zhvillohen pas hapjes së negociatave të anëtarësimit të Shqipërisë në BE.

“Takova zotin Celibashi sepse doja një përditësim mbi mënyrat se si mund të mbështesim më tej komisionin. Kemi besim të plotë te KQZ dhe besojmë se kanë bërë një punë të shkëlqyer. 

Lajmi që u përhap se ne kemi ndikuar te ODIHR për të hequr emra është i rremë. Çdo aktor politik e njeh metodologjinë që ata përdorin në raportet e tyre. Ata janë të pavarur dhe ne e mbështesim plotësisht këtë," tha Gonzato.  

silvio gonzato

Sondazh

Poll