Sport

ZYRTARE/ Lopetegui është trajneri i ri i Katarit, ka firmosur deri në vitin 2027

Verën e kaluar, trajneri iberik Julien Lopetegui ishte afër kalimit në Itali, ku ishte i lidhur prej kohësh me Milanin, përpara se zgjedhja e kuqezinjve të bëhej me Paulo Fonsecan

2 Maj 2025, 08:30 Nga DOSJA
ZYRTARE/ Lopetegui është trajneri i ri i Katarit, ka firmosur deri

KATAR - Tani është zyrtare: Julien Lopetegui po kalon në Katar, ku do të drejtojë ekipin kombëtar të këtij vendi arab. Federata e Futbollit të Katarit (QFA) e njoftoi këtë në një deklaratë në kanalet e saj.

Vetëm verën e kaluar, trajneri iberik ishte afër punës në Itali, ku ishte i lidhur prej kohësh me Milanin përpara se zgjedhja e kuqezinjve të binte mbi Paulo Fonsecan. Lopetegui më pas nënshkroi për West Ham, të cilët e liruan më 8 janar.

Në një intervistë të kohëve të fundit me La Gazzetta dello Sport, vetë Lopetegui kishte thënë për verën e kaluar: "Milani po më del përpara dhe unë jam shumë i lumtur. Një klub historik dhe tërheqës, një kampionat që gjithmonë më ka pëlqyer dhe e kam ndjekur gjithmonë, i magjepsur nga mënyra e të kuptuarit të futbollit si një lojë ekipore.

Arrigo (Sacchi) ka nxitur fuqishëm vëmendjen time, ai më ka frymëzuar, e kam studiuar atë dhe kam pasur fatin ta takoj. Negociatat po përparojnë mirë, pastaj ndalen papritur. Nuk më takon mua të tregoj dhe komentoj arsyet e ndalimit". Por kjo nuk ndodhi…

Deklarata e QFA-së: "Federata e Futbollit të Katarit (QFA) ka emëruar zyrtarisht trajnerin spanjol Julen Lopetegui si trajnerin e ri të ekipit kombëtar të Katarit, me një kontratë të zgjatur deri në vitin 2027”.

B.T (Dosja.al)

Sondazh

Poll

MË SHUMË