Aktualitet

Grabitja me dhunë në Lezhë/ Zbardhet dinamika, në pranga tre persona të dyshuar për vjedhjen në banesën e të moshuari në Gajush (EMRAT)

Bëhet e ditur se të arrestuarit janë Keviljano Ndoj, Andi Sanco dhe Lorenc Lleshi.

30 Prill 2025, 09:56 Nga E. D
Grabitja me dhunë në Lezhë/ Zbardhet dinamika, në pranga tre
foto ilustruese

LEZHË- Tre të rinj janë arrestuar nga policia e Lezhës pasi dyshohen se vodhën me dhunë shtëpinë e një 66-vjeçari në fshatin Gajush. Bëhet e ditur se të arrestuarit janë Keviljano Ndoj, Andi Sanco dhe Lorenc Lleshi. Gjithashtu sipas policisë janë sekuestruar 5 celularë, si dhe 2 automjete të përdorura gjatë vjedhjes. Po ashtu sipas hetimeve dyshohet se tre personat janë implikuar në vjedhjen me dhunë të 1500 dollarëve, 880 eurove, 50 000 lekëve dhe 1 arme gjahu.

Njoftimi i policisë:

Si rezultat i hetimeve të thelluara të kryera menjëherë pas telefonatës për vjedhje me dhunë, në banesën e një 66-vjeçari, në fshatin Gajush, shërbimet e Komisariatit të Policisë Lezhë dhe ato të Drejtorisë Vendore të Policisë Lezhë, në bashkëpunim me Prokurorinë e Lezhës, zbardhën dinamikën e rastit dhe arrestuan autorët e dyshuar.

Konkretisht, në kuadër të operacionit “Telefonata”, u identifikuan, u kapën dhe u vunë në pranga shtetasit K. N., 22 vjeç, banues në Mirditë (me precedent penal), A. S., 21 vjeç, banues në Korçë dhe L. Ll., 22 vjeç, banues në Tiranë (u kap nga shërbimet e PKK Muriqan, në dalje).

Nga hetimet dyshohet se 3 shtetasit janë implikuar në vjedhjen me dhunë të 1500 dollarëve, 880 eurove, 50 000 lekëve dhe 1 arme gjahu, në banesën e një 66-vjeçari, në fshatin Gajush, kryer në orët e para të mëngjesit të datës 28.04.2025.

Në vijim të operacionit, nisi procedimi në gjendje të lirë, për babanë e shtetasit K. N., shtetasin Gj. N., 50 vjeç, për veprën penale “Përkrahja e autorit të krimit”. Materialet procedurale iu referuan Prokurorisë së Lezhës, për veprime të mëtejshme.

andi sanco lorenc lleshi keviljano ndoj

Sondazh

Poll

MË SHUMË