Politike

Berisha takon zëvendëspresidentin e PPE: U diskutua rëndësia e zgjedhjeve të ardhshme në Shqipëri

Njoftimin për këtë takim Berisha e ka publikuar në faqen e tij në Facebook, ku ka theksuar se kanë diskutuar për rëndësinë e zgjedhjeve të ardhshme si në Shqipëri ashtu edhe në Rumani. 

29 Prill 2025, 14:53 Nga I.A
Berisha takon zëvendëspresidentin e PPE: U diskutua rëndësia
Takimi

SPANJË- Kryetari i Partisë Demokratike Sali Berisha i cili po merr pjesë në Kongresin e Partive Popullore Evropiane në Valencia ka zhvilluar një takim me zëvendëspresidentit të PPE Siegfried Mureșan. Njoftimin për këtë takim Berisha e ka publikuar në faqen e tij në Facebook, ku ka theksuar se kanë diskutuar për rëndësinë e zgjedhjeve të ardhshme si në Shqipëri ashtu edhe në Rumani. 

Postimi i Plotë:

Përmbledhje e Takimit Bilateral me Zëvendëspresidentin e PPE Muresan në Kongresin e PPE në Valencia. Gjatë Kongresit të Partisë Popullore Europiane (PPE) në Valencia, zhvilluam një takim bilateral me Zëvendëspresidentit të PPE Siegfried Mureșan. Gjatë këtij takimi, u diskutua rëndësia e zgjedhjeve të ardhshme si në Shqipëri ashtu edhe në Rumani, si elemente kyçe për konsolidimin e demokracisë në të dy vendet.

Vlerësova mbështetjen e vazhdueshme të PPE-së ndaj Partisë Demokratike, e manifestuar përmes rezolutave të miratuara në favor të saj, të cilat kanë forcuar pozicionin e PD në përballje me sfidat demokratike në Shqipëri. Diskutuam gjithashtu për ndihmën dhe mbështetjen e pritshme që PPE do të ofrojë për zgjedhjet e ardhshme, duke theksuar angazhimin e përbashkët për forcimin e vlerave demokratike dhe standardeve zgjedhore në vend. Takimi u zhvillua në një atmosferë konstruktive dhe miqësore, duke riafirmuar lidhjet e forta midis Partisë Demokratike të Shqipërisë dhe Partisë Popullore Europiane.

sali berisha siegfried mureșan

Sondazh

Poll

MË SHUMË