Politike

Hetim për shpërdorim detyre, Arbjan Mazniku merret në pyetje nga Prokuroria e Tiranës

Mësohet se Mazniku është marrë në pyetje në kuadër të një hetimi që po zhvillohet nga Prokuroria, për shpërdorim detyre. 

28 Prill 2025, 12:15 Nga I.A
Hetim për shpërdorim detyre, Arbjan Mazniku merret në pyetje nga
Arbjan Mazniku

TIRANË- Ministri për Pushtetin Vendor, Arbjan Mazniku është marrë në pyetje ditën e sotme nga Prokuroria e Tiranës. Mësohet se Mazniku është marrë në pyetje në kuadër të një hetimi që po zhvillohet nga Prokuroria, për shpërdorim detyre. Kallëzimi në Prokurori për këtë rast është bërë nga Drejtuesi Politik i Partisë Demokratike në Tiranë, Belind Këlliçi.

Si kallëzues disa javë më parë është pyetur edhe Belind Këlliçi, teksa bëhet fjalë për abuzimet në procedurat e prokurimit publik të ndërtimit të një rruge në Tiranë. Bëhet fjalë për pretendimin e Këlliçit se është bërë një tender fiktiv për ndërtimin e rrugës “Xhon Belushi”. Sipas Këlliçit, punimet kryheshin nga makineritë e bashkisë, ndërsa tenderi që u zhvillua ishte fiktiv dhe paratë shkonin në destinacion të paqartë. Tenderi në fjalë i denoncuar nga Këlliçi ishte mbi 420 mln lekë. 

Ndërtimi i rrugës do të kushtonte 471 milionë lekë, pa pasur një fitues tenderi. Një ditë pasi PD denoncoi aferën, bashkia vendosi të anulojë tenderin. Por kryebashkiaku Veliaj deklaroi se anulimi është bërë më herët dhe nuk lidhet me PD. Ai shtoi se rruga do ndërtohet me paratë e ndërmarrjes. Vijimin e punimeve pa pasur një fitues për tenderin, Veliaj e justifikon me faktin se duke qenë se Ujësjellësi i kishte mbaruar të gjitha procedurat, duhej ndërhyrë dhe nuk mund të lihej në atë mënyrë.

 

arbjan mazniku

Sondazh

Poll