Sport

Interi heq presionin ndaj Inzaghit, në fund do të ketë rinovim sido që të ndodhë…

Duke humbur mundësinë për të fituar tripletën, klubi po heq presionin nga trajneri në funksion të fundit të sezonit: do të ecim përpara së bashku edhe me 'zero tituj'.

26 Prill 2025, 12:30 Nga DOSJA
Interi heq presionin ndaj Inzaghit, në fund do të ketë rinovim

ITALI - Së pari, Interi do të përpiqet të zgjasë më tej epërsinë ndaj Napolit, më pas Barcelona në përpjekje për t'u rikthyer në finalen e Champions League dhe në fund të sezonit, çfarëdo që të ndodhë, Simone Inzaghi do të rinovojë kontratën me Interin.

Klubi zikaltër po lehtëson presionin ndaj trajnerit në funksion të këtij fundi përvëlues të sezonit dhe Kupës së Botës për Klube (14 qershor deri më 15 korrik) dhe tashmë po përgatit zgjatjen e kontratës që skadon në vitin 2026. Pavarësisht dy humbjeve radhazi, Interi dhe Inzaghi do të vazhdojnë së bashku edhe nëse sezoni do të mbyllej me 'zero tituj'. 

Trajneri i zikaltërve nuk ka humbur kurrë tre ndeshje radhazi që kur mori pankinën e Interit dhe për të rifituar qetësinë e duhur i dha një ditë pushimi skuadrës, e cila u takua dje në Appiano përballë të gjithë drejtuesve të klubit, përfshirë presidentin Marotta.

Mesazhi është i qartë, mbështetja e klubit është totale dhe me këtë në mendje trajneri e mblodhi ekipin në rreth dhe foli për rreth dhjetë minuta: një trofe i ka rrëshqitur, por kanë mbetur edhe dy, shumë më prestigjiozë, për t'u përballur me përkushtim maksimal për të mos pasur asnjë pishman.

Dhe në këtë kuptim, besimi i Inzaghit u rrit shumë dje kur pa Zielinski dhe veçanërisht Dumfries të stërvitej me grupin , i cili do të jetë (sidomos holandezi) themelor për sprintin final kundër Napolit dhe ëndrrën e Champions League. Dhe në fund, çfarëdo që të ndodhë, trajneri do të nënshkruajë kontratë deri në vitin 2027 me opsion për sezonin në vijim dhe rritje rroge deri në 7 milionë lekë. 

B.T (Dosja.al)

Sondazh

Poll

MË SHUMË