Politike

Pas Kosovës, Sorensen vizitë në Serbi, takohet me Gjuriç dhe Petkoviç: Diskutime rreth përpjekjeve të fundit dhe fushave ku mund të ketë përparim në dialog!

Sorensen gjatë vizitës së tij ditën e djeshme në Kosovë u takua me komandantin e KFOR-it, gjeneralmajor Encrio Braduani. Gjatë takimit ata kanë diskutuan për zhvillimet rreth situatës së sigurisë në mbarë rajonin.

25 Prill 2025, 14:27 Nga N.F
Pas Kosovës, Sorensen vizitë në Serbi, takohet me Gjuriç
Takimi

SERBI- I dërguar i Bashkimit Evropian për dialogun mes Kosovës dhe Serbisë, Peter Sorensen ndodhet ditën e sotme në Serbi. Gjatë vizitës së tij në shtetin serb, Sorensen është takuar me Ministrin e Punëve të Jashtme, Marko Gjuriç si dhe me kryenegociatorin Petar Petkoviç. Sorensen në takime bëri me dije se ka pasur diskutimet të mira rreth përpjekjeve të fundit në përparimin në dialog.

"Vazhdova vizitën time pune në Beograd me takime me Ministrin e Punëve të Jashtme Marko Djuric, Ministrin për Integrim Evropian @nstarovic dhe Kryenegociatorin @PetkovicPetar. Patëm diskutime të mira rreth përpjekjeve të fundit dhe fushave ku mund të ketë përparim në Dialog," shkruan ai.

Pas Kosovës, Sorensen vizitë në Serbi, takohet me Gjuriç

Sorensen gjatë vizitës së tij ditën e djeshme në Kosovë u takua me komandantin e KFOR-it, gjeneralmajor Encrio Braduani. Gjatë takimit ata kanë diskutuan për zhvillimet rreth situatës së sigurisë në mbarë rajonin.

Nga komandanti i KFOR-it u theksua përpjekja e këtij misioni për të garantuar një mjedis të sigurt për të gjithë ata që jetojnë në Kosovë, dhe po ashtu, përpjekjet për të mbështetur dialogun mes dy vendeve, që është i lehtësuar nga BE-ja. Barduani theksoi përkushtimin e palëkundur të KFOR-it për të mbështetur të gjitha përpjekjet e Komunitetit Ndërkombëtar, në dobi të sigurisë së qëndrueshme në mbarë Kosovën dhe stabilitetit rajonal.

Emisari i BE-së gjithashtu u takua edhe me kryenegociatorin e Kosovës për dialogun, Besnik Bislimi. I pyetur rreth vizitës, Sorensen tha shkurtimisht për gazetarë se “jemi duke punuar” dhe se ndodhej në Kosovë ashtu siç ia kërkon detyra si i dërguar i bllokut. Qeveria në detyrë e Kosovës tha në një njoftim për media se Bislimi dhe Sorensen biseduan rreth zbatimit të marrëveshjeve të ndryshme të nivelit teknik.

sorensen ne serbi petkovic

Sondazh

Poll