Politike

Berisha: Vrenozi është stari i kësaj fushate sepse përfaqëson qytetarin me hallet e tij, por që nuk shitet

Berisha e quajti Vrenozin starin e kësaj fushate, duke theksuar se ai përfaqëson qytetarin me hallet e tij.

25 Prill 2025, 13:40 Nga I.A
Berisha: Vrenozi është stari i kësaj fushate sepse
Sali Berisha

TIRANË- Lideri i opozitës Sali Berisha ka komentuar gjatë konferencës së tij për shtyp edhe qëndrimin e demokratit korçar Ilir Vrenozi për refuzimin e kafës ndaj Ramës. Berisha e quajti Vrenozin starin e kësaj fushate, duke theksuar se ai përfaqëson qytetarin me hallet e tij.

"Janë dy gjëra të pakrahasueshme. Basha u vu në funksion njëlloj si brava me çelësin, kurse Ilir Vrenozi ishte epik. Ai zhvilloi një betejë si Davidi me Golian. E kllaposi Ramën. E dërrmoi. Mos e pyet. Nuk ka marrë kush përgjigje publike më të trishtë, po të them të vërtetën më poshtëruese. Se shkon me atë mentalitetin anadollak se do e blej atë. Kur kam blerë ata, do e blej edhe këtë unë. Ai dha një përgjigje.... po kujt t’i japësh se duhet të kesh turp që të turpërohesh. Ky nuk ka turp. Megjithatë Vrenozi është stari i kësaj fushate sepse Vrenozi përfaqëson qytetarin me hallet e tij, por që nuk shitet. Imagjino ti se çfarë oferte do i bënte Rama atij sikur t’i shkonte në podcastin e tij.
Kështu që Vrenozi është stari i kësaj fushate. E përgëzova në Korçë, e përgëzoj prapë. Por Ramën e poshtëroj, për aq sa e ndjen Rama poshtërimin," tha Berisha.

sali berisha

Sondazh

Poll