Aktualitet

Kanoste vazhdimisht bashkëshorten me thikë, arrestohet 64-vjeçari në Korçë

Policia menjëherë sapo është njoftuar për ngjarjen ka ndërhyrë duke parandaluar një ngjarje të mundshme kriminale.

25 Prill 2025, 10:24 Nga N.F
Kanoste vazhdimisht bashkëshorten me thikë, arrestohet
Foto

KORÇË- Një 64-vjeçar është vënë në pranga në qytetin e Korçës. Arrestimi i tij ka ardhur pasi ai ka kanosur me thikë bashkëshorten e tij.

Policia menjëherë sapo është njoftuar për ngjarjen ka ndërhyrë duke parandaluar një ngjarje të mundshme kriminale. Më tej bëhet me dije se policia ka gjetur dhe sekuestruar në cilësinë e provës materiale thikën e përdorur dje për kanosjen. 

Njoftimi i policisë:

Shërbimet e Komisariatit të Policisë Korçë, pas marrjes së njoftimit se në lagjen nr. 11, Korçë, një shtetas kanoste me mjet prerës (thikë), bashkëshorten e tij, menjëherë kanë organizuar punën për parandalimin e ngjarjes së mundshme kriminale dhe vënien e autorit përpara përgjegjësisë penale.     

 Si rezultat i reagimit në kohë dhe i veprimeve porfesionale të shërbimeve të Policisë, është arrestuar në flagrancë shtetasi A. L., 64 vjeç, banues në Korçë, i cili dyshohet se ka kanosur disa herë, me thikë, bashkëshorten e tij, për motive të dobëta. 

Shërbimet e Policisë kanë gjetur dhe sekuestruar në cilësinë e provës materiale thikën e përdorur dje, për kanosjen. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

kanosi me thike gruan ne korce arrestohet nje person ne korce

Sondazh

Poll

MË SHUMË