Sport

Ish-trajnerit të Kombëtares së Shqipërisë i digjet makina, ja çfarë dyshon policia…

Një Audi në pronësi të ish-trajnerit të Kombëtares shqiptare, Christian Panucci, mori flakë, ndërsa ishte e parkuar në vilën e tij në zonën mes Fonte Laurentina dhe Spinaceto, më 21 prill në Romë.

23 Prill 2025, 11:00 Nga DOSJA

Ish-trajnerit të Kombëtares së Shqipërisë i digjet

ITALI - Në momentin e rënies së zjarrit, Christian Panucci, ish-trajner i Kombëtares së Shqipërisë, ndodhej jashtë Italisë dhe nuk ishte i pranishëm në shtëpi, duke mos mundur të ofronte detaje mbi ngjarjen.

Djali i tij, Juan, që jeton aktualisht në vilë, nuk ka pësuar asnjë dëm nga zjarri. Pas ndërhyrjes së shpejtë të zjarrfikësve, flakët u shuan përpara se ato të përhapen më tej, duke shmangur dëmtimin e shtëpisë dhe pasurive të tjera. Zjarri nuk ka shkaktuar lëndime fizike apo helmime, falë reagimit të menjëhershëm.

Karabinierët kanë nisur hetimet për të zbuluar shkakun e zjarrit dhe po shqyrtojnë mundësinë e zjarrvënies qëllimisht. Dyshimet janë të orientuara kah mundësia që dikush mund të ketë hyrë në vilë dhe i ka vënë flakën automjetit Audi.

Policia ka marrë pamje nga kamerat e sigurisë në vilën e Panuccit dhe në zonën përreth, për të identifikuar çdo person të dyshimtë që mund të ketë qenë në afërsi të vendit të ngjarjes.

Christian Panucci, i cili ndodhej me pushime në Dubai, është njoftuar për incidentin dhe ka shprehur dëshirën për të mësuar më shumë rreth ngjarjes.

Po ashtu në dhjetor të vitit 2011 Panucci u grabit nga dy banditë të armatosur me pistoleta, të cilët i drejtuan armën në kokë për ta detyruar të dorëzonte portofolin, pasi e detyruan të dilte nga Smart. Jo vetëm kaq. Në shtator të dy viteve më parë, ish-futbollisti ishte viktimë e një vjedhjeje të madhe në të njëjtën shtëpi ku jetonte në atë kohë, në Anagnina.

Ish-trajneri i Kombëtares shqiptare, periudhën më të gjatë të karrierës e kaloi si futbollist te AS Roma, ku dhe shënoi një pjesë të rëndësishme të historisë së tij profesionale, ndërsa tani është një komentator televiziv për Mediaset.

B.T (Dosja.al)

Sondazh

Poll

MË SHUMË