Aktualitet

Gjyqi për 'Plumbin e Artë'/ Nuredin Dumani: Suel Çela porositi atentatin ndaj Lulzim Mashës. Enver Diva: Duan të më fusin në regjimin 41-bis

Më tej Dumani ka treguar dhe detaje nga atentati ndaj Lulzim Mashës, që sipas tij porositësi ka qenë Suel Çela, por shkakun nuk e di. 

22 Prill 2025, 12:00 Nga I.A
Gjyqi për 'Plumbin e Artë'/ Nuredin Dumani: Suel Çela
Nuredin Dumani

TIRANË- Gjyqi për 'Plumbin e Artë' ka vijuar dhe ditën e sotme në GJKKO. Gjatë seancës së sotme gjyqësore, Dumani ka zbuluar njohjen e tij me Aleksandër Bahon, krahu i djathtë i Endrit Alibej. Më tej Dumani ka treguar dhe detaje nga atentati ndaj Lulzim Mashës, që sipas tij porositësi ka qenë Suel Çela, por shkakun nuk e di. 

Ndrkoh q m tej i akuzuari Enver Diva hst prplasur me prokurort, duke i akuzuar ata për presion. Por prokurorët reaguan menjëherë duke sqaruar se nuk kanë bërë një kërkesë të tillë dhe se do ta verifikojnë pretendimin.

Pjesë nga diskutimet:

Sokol Hazizaj: Për vrasjen e mbetur në tentativë të Lulëzim Mashës, cili ka qenë shkaku?

Nuredin Dumani: Porositësi ishte Suel Çela, shkakun nuk e di.

Sokol Hazizaj: Ka lidhje Arben Laze në tentativën e vrasjes së Lulëzim Mashës?

Nuredin Dumani: Arben Laze nuk ka lidhje fare me ngjarjen e Lulëzim Mashës. Njohjen e parë me Suel Çelën e kam patur në 2021 nga Fatmir Troplini. Aleksandër Bahon e njihja përpara Suel Çelës. Oti Kilën kam dashur ta godas, sepse sipas asaj që më tha Suel Çela ai ishte me Çapjat.

Enver Diva: A më paguajnë këta të mbyll gojën që të mos flas? Kam parë në televizor që duan të më fusin në regjimin 41-bis. E ka dhënë Top Channel.

Behar Dibra: Ne nuk kemi çuar asnjë kërkesë për 41-bis. Përpiqemi të mos shohim shumë televizor. Pretendimin do ta verifikojmë, por nuk ka asgjë të vërtetë deri tani.

Nuredin Dumani, një nga emrat më të përfolur në botën e krimit, u vu në pranga mbrëmjen e 29 marsit të vitit 2022 në Fier, pak pasi kishte marrë mjekim për plagosje në shpinë nga tre mjekë në një shtëpi private. Pas burgosjes, Dumani u bë bashkëpunëtor i drejtësisë dhe dëshmitë e tij kanë zbuluar disa nga ngjarjet më të rënda kriminale në vendin tonë.

nuredin dumani enver diva

Sondazh

Poll

MË SHUMË