Politike

"Votuesit e diasporës po kontaktohen me video-call nga stafi drejtues i Bashkisë Berat", Bozdo: SPAK duhet të ndërhyjë urgjentisht!

Bozdo gjatë fjalës së tij u shpreh se i gjithë stafi drejtues i Bashkisë Berat, si dhe i administratës së lartë vendore është përfshirë në këtë aferë. 

19 Prill 2025, 13:07 Nga N.F
"Votuesit e diasporës po kontaktohen me video-call nga stafi drejtues
Bozdo

BERAT- Drejtuesi politik i Partisë Demokratike në Berat, Eno Bozdo përmes një deklaratë për mediat ka paraqitur fakte të reja se si manipulohet vota e emigrantëve. Bozdo gjatë fjalës së tij u shpreh se i gjithë stafi drejtues i Bashkisë Berat, si dhe i administratës së lartë vendore është përfshirë në këtë aferë. 

Ai shtoi se këta persona janë përgjegjës për “mbarëvajtjen” e këtij operacioni elektoral. Sipas tij votuesit e diasporës kontaktohen me video-call të cilën e cilësoi si një akt flagrant të shkeljes së ligjit zgjedhor, të presionit mbi votuesit dhe manipulimit të votës. Bozdo gjithashtu listoi edhe emrat e personave përgjegjës të këtij krimi elektoral. Ai më tej i bëri thirrje SPAK që të ndërhyjë urgjentisht  për të siguruar pacënueshmërinë e proçesit zgjedhor.


“Të tjera fakte do të paraqesim sot, në lidhje me operacionin elektoral të manipulimit të votës së emigrantëve. I gjithë stafi drejtues i Bashkisë Berat, si dhe i administratës së lartë vendore është përfshirë, sipas të dhënave që na vijnë nga nëpunës të ndershëm të Bashkisë, në këtë aferë. Falenderoj në këtë rast ata socialistë që janë distancuar nga akte të tilla dhe që na mundësuan bërjen publike të këtyre fakteve:

Personat e mëposhtëm, Xhilda Kadillari, Drejtoreshë e Shërbimit Parësor. Amarildo Tafa, Drejtor i IKMT. Andrea Lako, Drejtor i turizmit në bashki. Arjan Ceca, Drejtor shkolle, i afërm me kryetarin e komanduar te Bashkisë, Ervin Ceca. Anisa Veliu, anëtare e këshillit bashkiak e Pasrtisë Socialiste, që me bashkëshortin e saj, kanë ngritur infrastrukturën call-center në sallë të hotelit ngjitur.

Janë të përfshirë në këtë aferë. Këta persona janë përgjegjës për “mbarëvajtjen” e këtij operacioni elektoral. Në këtë call-center, votuesit e diasporës kontaktohen me video-call, në një akt flagrant të shkeljes së ligjit zgjedhor,të presionit mbi votuesit dhe manipulimit të votës!

Prandaj, SPAK duhet të ndërhyjë urgjentisht! SPAK duhet të kryejë detyrat që i cakton ligji për të siguruar pacënueshmërinë e proçesit zgjedhor!

Të dashur qytetarë. Ky rregjim qëndron në këmbë në sajë të frikës dhe presionit të individëve të pushtetshëm,të atyre me pozicione shtetërore,por që kanë zgjedhur t`i shërbejnë partisë dhe jo Shqipërisë. Shtypja, presioni dhe kërcënimet do të marrin fund në 11 maj. Shqipëria do të behët një vend evropian,do të bëhet vertetë madhështore,siç e meriton. Dinjiteti njerzor dhe liria do të triumfojnë," tha Bozdo.

 

bozdo spak

Sondazh

Poll

MË SHUMË