Sport

VIDEO / Fiorentina në gjysmëfinale mes drithërimash!

Fiorentina arrin të kalojë më tej dhe është gati për një përballje emocionuese me Betis-in në gjysmëfinale.

17 Prill 2025, 23:09 Nga DOSJA

VIDEO / Fiorentina në gjysmëfinale mes drithërimash!

ITALI - Fiorentina, finaliste në dy edicionet e fundit të Conference League, kualifikohet për në gjysmëfinale edhe këtë sezon, ku do të përballet me Betis Sevillan.

Pas fitores 2-1 në ndeshjen e parë në Slloveni, skuadra toskane barazoi 2-2 në ndeshjen e kthimit ndaj Celje në stadiumin “Artemio Franchi”, duke vuajtur më shumë se ç’pritej për të kaluar më tej.

Fiorentina kaloi në avantazh në minutën e 37-të me një goditje diagonale nga Mandragora, i cili shënoi edhe në sfidën e parë. Por në pjesën e dytë, mes minutës së 54-t dhe 65-t, miqtë përmbysën gjithçka: fillimisht me golin e Matko dhe më pas me një goditje me kokë nga Nemanic, duke e rikthyer kualifikimin në baraspeshë.

Një “duah me ujë të ftohtë” për tifozët evjollcë, por vetëm dy minuta më pas ishte Moise Kean që barazoi rezultatin. Fillimisht u anulua për pozicion jashtë loje, por më pas VAR e korrigjoi vendimin dhe goli u pranua.

Më vonë, Ranieri dhe sërish Kean shënuan, por të dy golat u anuluan për pozicion jashtë loje. Pavarësisht dridthërimave, Fiorentina arrin të kalojë më tej dhe është gati për një përballje emocionuese me Betis-in në gjysmëfinale. Skuadra andaluziane barazoi 1-1 me Jagellonian, por e kishte fituar 2-0 takimin e parë.

Sa i përket Conference Leagues, Chelsea, edhe pse u mposht 1-2 nga Legia e Varshavës në ‘Stemford Bridge’, kualifikohet me rezultat të përgjithshëm 4-2.

B.T (Dosja.al)