Sport

Neymar në lot, pëson një dëmtim tjetër…

Një problem i ri muskulor në kofshën e majtë. César Sampaio, trajneri i Santos, kërkon ndihmë hyjnore: “Do të lutemi shumë”

17 Prill 2025, 17:30 Nga DOSJA

BRAZIL - Neymar u largua nga fusha në Vila Belmiro i ulur në barelë, duke qarë, i shkatërruar emocionalisht nga një tjetër dëmtim që do ta lërë atë sërish jashtë fushës. Nuk dihet për sa kohë. Dhe trajneri i Santos madje u kërkoi tifozëve të "luteshin shumë".

Sulmuesi 33-vjeçar brazilian e nisi ndeshjen kundër Atlético Mineiro, në raundin e katërt të Brasileirão, por zgjati vetëm deri në minutën e 34-të. Ai pësoi një dëmtim të muskujve në pjesën e pasme të kofshës së majtë dhe tani do t'i nënshtrohet testeve shtesë diagnostikuese. Shenjat nuk janë pozitive.

Është i njëjti problem, konfirmoi klubi, i cili së fundmi e mbajti jashtë fushës për gati dy muaj, pas përfundimit të rikuperimit të gjatë nga operacioni në ligamentin e kryqëzuar të përparmë dhe meniskun në gjurin e majtë.

O momento que Neymar precisou sair do gramado da Vila Belmiro pic.twitter.com/kJG8NWfkHl
— ge (@geglobo) April 17, 2025

Neymar ndjeu se diçka nuk shkonte në minutën e 24-të, pas golit të parë të Santos, nga Zé Ivaldo. Ai qëndroi në fushë edhe për tre minuta. Ndërsa shokët e tij festuan golin e dytë të Barrealit, ai u gjunjëzua dhe më pas u ul. Shumë shpejt u kuptua se ai do të duhej të largohej. Dhe pikërisht teksa po merrte ndihmën mjekësore, iu nënshtrua emocioneve dhe qau.

Neymar në lot, pëson një dëmtim tjetër…

Neymar u zëvendësua nga Benjamín Rollheiser. Dhe dëmtimi i sulmuesit përfundoi duke dominuar shpirtin e të gjithëve, pavarësisht fitores së parë në kampionat, pasi Pedro Caixinha u shkarkua nga detyra e trajnerit të klubit të São Paulo pas dy humbjeve dhe një barazimi në kompeticion

“Për fat të keq, është ende herët për të pasur një qëndrim (për dëmtimin), nuk ka një diagnozë, që do të bëhet nesër (sot). Është një humbje shumë e rëndësishme. Është një dëmtim në të njëjtin vend (kofshën e majtë). Do të lutemi shumë që ai të mos mungojë shumë”, tha César Sampaio, trajneri i përkohshëm i Santos.

B.T (Dosja.al)