Bota

“Harvard, kërko falje!”/ Shtëpia e Bardhë kërkon ndjesë publike nga Universiteti për antisemitizmin në kampus

Zëdhënësja e Trump tha se universiteti ka dështuar të mbrojë studentët hebrenj. Presidenti shqyrton masa të mundshme ligjore dhe fiskale ndaj institucionit

15 Prill 2025, 21:02 Nga A.Ll
“Harvard, kërko falje!”/ Shtëpia e Bardhë kërkon
Caroline Levitt

SHBA - Në një deklaratë të fortë drejtuar një prej institucioneve më të njohura arsimore në botë, Shtëpia e Bardhë ka kërkuar që Universiteti i Harvardit të kërkojë falje publike për atë që e quan “antisemitizëm të papërshkrueshëm” në kampusin e tij.

Zëdhënësja e presidentit Donald Trump, Caroline Levitt, u shpreh të martën se presidenti “dëshiron të shohë Harvardin të kërkojë falje” dhe e akuzoi universitetin për dështim në mbrojtjen e studentëve hebrenj amerikanë nga aktet e urrejtjes që, sipas saj, janë shfaqur së fundmi në mjedisin universitar.

“Presidenti ka qenë shumë i qartë – ata duhet të ndjekin ligjin federal. Por përtej kësaj, Harvard duhet t’u kërkojë falje studentëve hebrenj për klimën armiqësore dhe të rrezikshme që është lejuar të zhvillohet në kampus,” tha Levitt para gazetarëve.

Komentet erdhën në një kohë kur tensionet në kampuset universitare amerikane janë shtuar ndjeshëm për shkak të protestave dhe deklaratave lidhur me konfliktin Izrael-Hamas, me akuza të shumta për qasje të njëanshme, intolerancë ndaj zërave pro-izraelitë dhe shtim të retorikës antisemite.

Kur u pyet nëse administrata e Trump do të shqyrtonte heqjen e statusit të përjashtimit nga taksat për Harvardin – një lëvizje që do të kishte pasoja të mëdha financiare për universitetin – Levitt tha se “nuk është përjashtuar asgjë”, por theksoi se aktualisht fokusi mbetet tek zbatimi i ligjit federal dhe llogaridhënia morale.

“Presidenti beson se institucionet e arsimit të lartë nuk mund të veprojnë si ishuj të paprekshëm ku urrejtja maskohet si liri akademike,” shtoi ajo.
Harvardi ende nuk ka reaguar publikisht ndaj thirrjes për falje apo ndaj akuzave specifike të Shtëpisë së Bardhë.

Por në ditët e fundit, shumë universitete elitare amerikane janë përballur me presion të shtuar publik dhe politik për të adresuar ngjarjet dhe deklaratat që perceptohen si të dëmshme për komunitetin hebre dhe klimën e tolerancës në përgjithësi.

caroline levitt shba universiteti i harvardit

Sondazh

Poll

MË SHUMË