Nënshkrimi i marrëveshjes do të bëhet më 5 maj. Një ditë më pas, më 6 maj, Friedrich Merz pritet të zgjidhet zyrtarisht Kancelar në Bundestag
BERLIN - Bundestagu ka konfirmuar se më 6 maj pritet të mbahet votimi për zgjedhjen e Friedrich Merz si Kancelar i ri i Gjermanisë. Nëse CDU dhe SPD bien dakord për marrëveshjen e re të koalicionit, lideri i CDU-së do të marrë drejtimin e qeverisë federale, pothuajse gjashtë muaj pas rënies së koalicionit “semafor” më 6 nëntor 2024.
Lajmi është konfirmuar nga vetë Bundestagu, ku Kryetarja e Parlamentit, Julia Klöckner (CDU), po përgatit seancën e posaçme për zgjedhjen e Kancelarit të ri. Kjo vjen pas javësh negociatash intensive ndërmjet partive kryesore.
Marrëveshja e koalicionit: Vendimtare për emërimin
Për të bërë të mundur këtë hap, mbetet ende një parakusht thelbësor: miratimi i marrëveshjes së koalicionit mes CDU-së dhe SPD-së. Bordi ekzekutiv i CSU-së – partisë simotër të CDU-së në Bavari – e ka miratuar traktatin më 10 prill. CDU do të shprehë qëndrimin përfundimtar në një konferencë të veçantë më 28 prill.
Ndërkohë, votimi për marrëveshjen nga anëtarët e SPD-së do të zhvillohet në mënyrë dixhitale nga data 15 deri më 29 prill. Për të hyrë në fuqi, marrëveshja kërkon jo vetëm shumicën e votave “pro”, por edhe pjesëmarrjen e të paktën 20% të trupës votuese të anëtarësisë. Një sinjal jo inkurajues ka ardhur nga organizata rinore e SPD-së, e cila tashmë është shprehur kundër traktatit 144-faqësh.
Kalendari i pritshëm i tranzicionit qeveritar
Nëse votimi për marrëveshjen përfundon me sukses, Reuters raporton se nënshkrimi i marrëveshjes do të bëhet më 5 maj. Një ditë më pas, më 6 maj, Friedrich Merz pritet të zgjidhet zyrtarisht Kancelar në Bundestag. Në të njëjtën ditë, kabineti i tij i ri do të betohet dhe qeveria e re federale do të nisë punën.
Kjo do të shënojë një rikthim të rëndësishëm për konservatorët në qeverisje, pas një periudhe të trazuar politike dhe krizash brenda koalicionit të mëparshëm “semafor” (SPD – Të Gjelbrit – FDP).
Mario Vargas Llosa PERU- Shkrimtari peruan Mario Vargas Llosa, një nga figurat kryesore që ndezi një bum global në letë...
Presidenti i Kinës, Xi Jinping HANOI - Presidenti i Kinës, Xi Jinping, i ka bërë thirrje Vietnamit të bashkojë forcat me Peki...
Protestat HUNGARI- Pavarësisht protestatve njëjavore dhe një përçarje të dhomës pak para votimit, amendamenti kus...
Dhoma e Ulët e Parlamentit të Mbretërisë së Bashkuar LONDËR - Një skandal i rëndë ka goditur Partinë Kons...
Foto ilustruese FRANCË- Franca po shqyrton përgjigjen e saj pasi Algjeria urdhëroi dëbimin e 12 punonjësve të ambas...
Volodymyr Zelenskyy UKRAINË- Presidenti ukrainas Volodymyr Zelenskyy akuzoi zëvendëspresidenti amerikan JD Vance se po jus...
foto ilustruese BRUKSEL- Komisioni Evropian po u siguron drejtuesve të tij që udhëtojnë në Shtetet e Bashkuara të A...
Foto ilustruese SHBA- Sony ka rritur çmimin e PlayStation 5 të saj me 25% pasi industria e lojërave të videove po tërh...
Donald Trump SHBA- Presidenti amerikan, Donald Trump ka përsëritur qëndrimin që ka shprehur shumë herë në të ...
foto ilustruese GJERMANI- Kancelari i ardhshë Friedrich Merz, tha se Gjermania është e përgatitur të dërgojë raketa Taur...