Aktualitet

Bënë kërdinë me grabitje në Bolonja/ Arrestohet ‘skifteri’ shqiptar, shoku i arratiset karabinierëve

Sipas mediave italiane aksioni u krye në zonën e Bolonjës, teksa dyshohet se i riu mund të jetë pjesë e një bande ‘skifterësh’. Gjithashtu bëhet e ditur se ka qenë një qytetar që ka pikasur dy nga grabitësit e panjohur në ballkonin e një apartamenti në ‘Via Ghiberti’. 

8 Prill 2025, 17:12 Nga E. D
Bënë kërdinë me grabitje në Bolonja/ Arrestohet
foto ilustruese

ITALI- Një 22-vjeçar shqiptar ka rënë në prangat e policisë italiane, pasi akuzohet për grabitje banesash në seri.  Sipas mediave italiane aksioni u krye në zonën e Bolonjës, teksa dyshohet se i riu mund të jetë pjesë e një bande ‘skifterësh’. Gjithashtu bëhet e ditur se ka qenë një qytetar që ka pikasur dy nga grabitësit e panjohur në ballkonin e një apartamenti në ‘Via Ghiberti’. 

Sipas qytetarit të dy po tentonin të hynin në shtëpi pasi kishin thyer xhamin e dritares, por veprimi i tyre u ndërpre nga dëshmitari i cili njoftoi menjëherë autoritetet. Patrullat u vunë në ndjekje të të dyshuarve, por njëri prej tyre arriti të arratisej, kurse bashkëpunëtori shqiptar 22-vjeçar u prangos.

Gjatë kontrollit, karabinierët gjetën në zotërim të tij materiale për plaçkitje, si; doreza pune, një kapuç dhe objekte të shumta të vjedhura, duke përfshirë; bizhuteri, ora dhe stoli kostumesh, të cilat ai nuk ishte në gjendje t'i shpjegonte, informon media italiane.

policia italiane

Sondazh

Poll