Politike

Berisha: LaCivita do jetë në hapjen e fushatës, përfaqësuesi i tij ka ardhur prej ditësh!

Në një dalje për mediat, Berisha ka theksuar se përfaqësuesi i LaCivita ka ardhur prej kohësh në vend.

8 Prill 2025, 13:21 Nga I.A
Berisha: LaCivita do jetë në hapjen e fushatës,
Sali Berisha

TIRANË- Kreu i Partisë Demokratike Sali Berisha deklaroi se Chris LaCivita do jetë në hapjen e fushatës se opoztës. Në një dalje për mediat, Berisha ka theksuar se përfaqësuesi i LaCivita ka ardhur prej kohësh në vend. Ndërkohë që më tej shtoi se skenari i hapjes së fushatës elektorale do të jetë surprizë. 

"Me sa kuptoj unë, zonja Kallas është në një udhëtim rajonal. Më duket se e dëgjove që tha se, do shkojë nga këtu në Bosnjë. Udhëtimet rajonale janë për qëllime rajonale dhe normal që ajo takon qeveritarët, cilido që të jetë qeveritar, ata do takojë. Ky është rregulli i udhëtimeve rajonale, nuk kanë synimi vendin. Së pari. Së dyti, do jetë pa diskutim, siç u kam thënë, unë u kam njoftuar se ai do jetë në hapjen e fushatës dhe këtu është përfaqësuesi i tij prej disa ditësh dhe ne jemi në lidhje.

Unë nuk e kuptoj si i krijoni këto dyshime? E di çfarë kuptoj unë? Se këto i përhap zyra e Edi Ramës. Aq i tmerruar është, sa tani për t’u dhënë zemër të vetëve, thotë që ai iku, nuk është më. Po kur ta shohë, çfarë do t’u thotë të vetëve? Këto i hap ai, tjetër kush nuk mund t’i hapë. A keni dëgjuar ju se kush është konsulenti i tij? Jo, fare.
Se kjo është normale. Ky tani, i tmerruar nga ekspertiza e tij dhe shumë faktorë të tjerë, iku, u thotë socialistëve. I mashtron në media. Jo, ai do të vijë, do jetë i pranishëm në një hapje të jashtëzakonshme... Skenarin ta mbajmë surprizë... jo çdo gjë mund të thotë njeriu, unë edhe nga udhëtime mbajta shumë gjëra pa i thënë, po kishte gjëra plot," tha Berisha.

chris lacivita

Sondazh

Poll

MË SHUMË