Politike

Berisha me banorët e njësisë nr.2: Situata e rëndë ekonomike ku jemi, ka vetëm një faktor dhe ky faktor është korrupsioni

Berisha tha gjatë fjalës së tij se Shqipëria në këto 12 vite ka ecur në një drejtim në të cilin dy gjëra nuk mund t’i mohojë kush.

4 Prill 2025, 17:49 Nga r.ll
Berisha me banorët e njësisë nr.2: Situata e rëndë
pamje nga takimi

TIRANË- Kryetari i Partisë Demokratike, Sali Berisha po zhvillon sot një takim me banorët e njësisë numër 2 në Tiranë. Berisha tha gjatë fjalës së tij se Shqipëria në këto 12 vite ka ecur në një drejtim në të cilin dy gjëra nuk mund t’i mohojë kush.

Sipas tij drejtimi i parë ishte ai i largimit të shqiptarëve nga Shqipëria, dhe i dyti ishte varfërimi i madh dhe i vazhdueshëm i qytetarëve shqiptarë në vend. Kryedemokrati tha se ky varfërim ka vetëm një faktor dhe ky faktor është "korrupsioni, vjedhja, shpërdorimi, përvetësimi i parave të taksve tuaja nga qeveritarë".

"Të dashur demokrate dhe demokratë, qytetare dhe qytetarë të degës nr.2 të kryeqytetit të vendit. I dashur Belind, drejtues politik i Qarkut të Tiranës, zonja kryetare e PD për degën 2, zonjat e nderuara deputete, e dashur Eva. Ju falënderoj shumë për këtë pritje entuziaste që tregoni. Ky entuziazëm është energjia e vërtetë e fitores së 11 majit. Të dashur miq, sot ne jemi në prag të një ndryshimi shumë të thellë, shumë të madh. Shqipëria në këto 12 vite, e vërteta është se, eci në një drejtim në të cilin dy gjëra nuk mund t’i mohojë kush.

Së pari, në drejtim të largimit të shqitparëve më shumë se kurrë nga Shqipëria. Cilido që mendon ndryshe, le të mbyllë sytë për një moment dhe të mendojë se sa njerëz të rrethit të tij janë larguar nga ky vend këto 12 vite.

Aspekti i dytë dramatik i këtij drejtimi është varfërimi i madh dhe i vazhdueshëm i qytetarëve shqiptarë. Ky varfërim ka për tregues të qartë pensionet dhe rrogat krejtësisht të papërshtatshme për çmimet e tregut dhe për një jetë normale. Sot, një pensionist me pensionin e tij mesatar merr 165-170 euro, krejtësisht të pamjaftueshme për përballimin e jetës. Të mos diskutojmë për ata që marrin pensionin minimal 120 euro. Por këta që marrin pensione të plota, këta janë pakica. 57% e pensionistëve marrin pensione të pjesshme. E gjithë kjo situatë ka vetëm një faktor dhe ky faktor është korrupsioni, vjedhja, shpërdorimi, përvetësimi i parave të taksve tuaja nga qeveritarët. Është një vjedhje e tillë, saqë tejkalon çdo imagjinatë.", tha Berisha.

sali berisha

Sondazh

Poll

MË SHUMË