Aktualitet

Vdekja e britanikes në Sarandë, flasin turistët: Jeleku i Rebekës kishte probleme me ajrin, përkthyesja diçka i ndryshoi

"Kur isha në pritje të radhës sime, unë pashë që Rebeka po kërkonte ndihmë. Në këtë moment në ndihmë të saj shkoi pronari i skafit, por fillimisht nuk e gjeti, dhe doli mbi ujë pa vajzën"

1 Prill 2025, 20:18 Nga A.Ll
Vdekja e britanikes në Sarandë, flasin turistët: Jeleku i
Rebeka Ganon

TIRANË - Marcos Barcenilla/ Pasi plotësuam formularët e zhytjes në gjuhën angleze, ne më pas shkuam te pika e zhytjes.

Unë isha në një grup zhytje me Rebekan dhe të dashurin e saj.

Ajo që më bëri përshtypje është se pajisjet i rregullonte vajza që ishte dhe përkthyese.

Në momentin që Rebeka provoi jelekun, pajisja kishte probleme me ajrin.

Por këtu duket se vajza që ishte përkthyese diçka i ndryshoi, dhe jeleku u duk se funksionoi në rregull.

Chris theksoi edhe njëherë para grupit hetues se e vetmja që merrej me pajisjet e zhytjes ishte vajza që kryente edhe rolin e përkthyeses.

Që bënte edhe rolin e organizatores.

Por ndërsa ai u zhyt në thellësi të detit bashkë me Rebekën, ai nuk mundi ta shquajë më atë.

Kjo sepse sipas tij, uji ishte i papastër.

Në lidhje me këtë ngjarje në pyetje u mor edhe një tjetër pjesëtar i grupit të zhytësve të huaj.

Që edhe ky kishte qëndruar mbi ujë, deri në pritje të radhës së tij për t’u zhytur.Kjo pasi bashkë me të dashurën e tij, bënin pjesë te grupi fillestar i zhytësve.

Marcos Barcenilla

Unë dhe e dashura ime ishim te grupi fillestar i zhytësve. Ndërsa Rebeka dhe i dashuri i saj te grupi mesatar.

Kur isha në pritje të radhës sime, unë pashë që Rebeka po kërkonte ndihmë. Në këtë moment në ndihmë të saj shkoi pronari i skafit, por fillimisht nuk e gjeti, dhe doli mbi ujë pa vajzën.

Unë e pashë që ai u zhyt sërish dhe këtë herë doli nga uji pas disa minutash bashkë me Rebekën, të cilën e solli te skafi.

Aty ku e ndihmoi e dashura ime që është mjeke, e cila i dha ndihmën e parë derisa erdhi ambulanca.

Të njëjtave deklarimeve u qëndroi edhe një tjetër zhytës i pranishëm në skenën e ngjarjes.

I cili pa instruktorin të hidhej në det për të ndihmuar Rebekën.

Por që u zhyt pa pajisje ndihmëse.

Gjë të cilën e bëri vetëm herën e dytë, ndërsa mori pajisjet e njërit prej zhytësve spanjollë, që ndërkohë ishte mbi varkë.

Seven Arkesteijn

Sapo pa që vajza po kërkonte ndihmë, instruktori u hodh menjëherë në det, por u nis pa pajisje.

Më pas shoku im Marcos çoi pajisjet e zhytjes. Por edhe pse instruktori arriti ta nxirte Rebekan nga uji, ajo nuk dukej të kishte shenja jete./ "Në Shënjestër", Balkan Web        

rebeka ganon marcos barcenilla

Sondazh

Poll

MË SHUMË