Politike

"U pëlqen shumë kjo punë dhe janë qeliza të PS-së!" Rama: Patronazhistët janë në super formë këtë vit, mos i ngacmoni

Ai shtoi se ata që duan të votojnë për të rinjtë, mund t’i gjejnë ata në listat e mbyllura të PS “me shumicë”, ndërsa i cilësoi partitë më të reja si “moçalishte”.

1 Prill 2025, 09:23 Nga M.B
"U pëlqen shumë kjo punë dhe janë qeliza të
Edi Rama

TIRANA- Kryeministri Edi Rama u tha sot ndjekësve në rrjetet sociale se patronazhistët e PS-së janë në super formë këtë vit. Ai theksoi se patronazhistëve u pëlqen shumë kjo punë dhe janë qeliza të PS-së. Ai shtoi se ata që duan të votojnë për të rinjtë, mund t’i gjejnë ata në listat e mbyllura të PS-së, ndërsa i cilësoi partitë më të reja si “moçalishte”.

“Kush do të reja dhe të rinj janë me shumicë në listën e mbyllur në PS, ky është ndryshim i madh me të tjerët. Të shkosh të votosh moçalishtet e reja që janë hapur, në rastin më të mirë me fat mund të kesh në Parlament një person. Po çfarë do bëjë një person? Duke votuar për ne mund të kesh shumë të rinj e të reja në Parlament që janë në bazë gjenerata e re e lidershipit të PS-së.

Patronazhistët i kemi në super formë këtë vit. Patronazhimin e kemi ngritur në nivel tjetër. U kam thënë atyre që i shajnë, mos i ngacmoni se motivohen më shumë. Janë ambiciozë të mëdhenj dhe janë shumë të fokusuar te kjo punë. U pëlqen shumë kjo punë dhe janë qeliza të PS. Kush nuk është në PS nuk u vë faj që nuk e kuptoni”, tha Rama.

edi rama

Sondazh

Poll

MË SHUMË