Sport

Ancelotti nuk habitet: 'Mbappé ishte shumë efektiv nga goditjet e lira në stërvitje'

“Nuk mbaj mend ndonjë lojë ku të mos kemi vuajtur. Ajo që ka rëndësi është të vuajmë së bashku”.

30 Mars 2025, 10:53 Nga DOSJA
Ancelotti nuk habitet: 'Mbappé ishte shumë efektiv nga goditjet

SPANJE - Real Madrid fitoi 3-2 kundër Leganés të shtunën, veçanërisht falë një dopiede të Kylian Mbappé. Carlo Ancelotti ishte i kënaqur me paraqitjen dhe përparimin e francezit në lojë.

Pas ndeshjes, ai u shpreh: "Unë nuk mendoj se luajtëm një lojë të keqe. Kishim kontroll, por na mungonte ekuilibri, na lënduan shumë në kundërsulm dhe për këtë arsye pranuam dy gola. Pas penalltisë (1-1), mund t'i kishim menaxhuar gjërat më mirë. Pas pushimit ndërkombëtar duhet kohë për t'u rikthyer në ritëm.

Duhet të vuash. Nuk mbaj mend ndonjë lojë ku të mos kemi vuajtur. Ajo që ka rëndësi është të vuajmë së bashku. Kur sakrificat janë të nevojshme, ne të gjithë i bëjmë ato. Ndeshjet e futbollit janë të tilla, nuk ka ndeshje të lehta dhe ne jemi të vetëdijshëm për këtë.

Kylian Mbappé po bën shumë mirë, tani është shumë më aktiv, shumë më i pranishëm në lojë. Ai është përshtatur shumë mirë. Tani ai po bën ndryshimin, këtë presim prej tij. Dje (e premte) tentoi të shënonte nga gjuajtja e lirë në stërvitje, ishte shumë efektiv. Kjo është arsyeja pse ai u përpoq sot (e shtunë). Fakti që tentoi dje i dha besim për ndeshjen”.

B.T (Dosja.al)

Sondazh

Poll

MË SHUMË