Bota

Alarmohen autoritetet në Florida/ Fëmija 2-vjeçar kishte konsumuar lëndë narkotike, arrestohet mamaja e tij

Debra Scott, një grua 29-vjeçare nga Levy County, Florida, është arrestuar pas dyshimeve se fëmija i saj 2-vjeçar ishte ekspozuar ndaj substancave narkotike

28 Mars 2025, 21:31 Nga A.Ll
Alarmohen autoritetet në Florida/ Fëmija 2-vjeçar kishte
29-vjeçarja Debra Scott

SHBA - Autoritetet në Levy County në Florida, u alarmuan kur 29-vjeçarja Debra Scott e çoi fëmijën e saj 2-vjeçar në dhomën e urgjencës së spitalit.

Fëmija shfaqi simptoma të ngjashme me ato të një të rriti nën ndikimin e metamfetaminës, duke tundur vazhdimisht krahët dhe duke mos mundur të flinte.

Mjekët konfirmuan më vonë se fëmija kishte pësuar helmim akut nga metamfetamina dhe stimulues të tjerë, gjithashtu duke rezultuar pozitiv për opiate.

Scott, e cila kishte pritur 12 orë para se të kërkonte ndihmë mjekësore për fëmijën e saj, e çoi atë në spital me ndihmën e një shoku, pasi kishte frikë se nuk mund ta bënte vetë.

Ajo u arrestua dhe akuzohet për neglizhencë. Autoritetet e shoqëruan ngjarjen me historinë e përdorimit dhe trafikut të drogës në zonën e Bronson, Florida, ku ajo jetonte së fundmi.

Gjendja shëndetësore e fëmijës nuk është bërë ende publike.

29-vjeçarja debra scott levy county në florida metamfetaminë

Sondazh

Poll