Aktualitet

Sekuestrohet kokaina me vlerë 6 milionë euro në portin e Pireut/ 'E bardha' e fshehur në kontejnerët me banane! Si u zbulua nga dy qentë antidrogë

Gjatë kontrollit fizik nga inspektorët e doganave dhe Policia greke, janë sekuestruar 47 pako kokainë , me peshë bruto 53 kilogramë dhe vlera e tyre llogaritet rreth 2.39 milionë euro .

27 Mars 2025, 18:26 Nga B.Z
Sekuestrohet kokaina me vlerë 6 milionë euro në portin e Pireut/
Foto ilustruese

GREQI - Dy raste të trafikut të drogës janë evidentuar nga autoritetet greke në kontejnerë me banane me origjinë nga Ekuadori dhe me destinacion Pireun .

Mediat e huaja shkruajnë se, gjatë kontrolleve në doganën e 3-të të Pireut, në njësitë ftohëse të kontejnerëve u zbulua një lëndë organike e dyshimtë. Me ndihmën e dy qenve antidrogë janë gjetur dhe sekuestruar 67 pako kokainë, me peshë bruto 78 kilogramë. Raportohet se vlera e kokainës së sekuestruar llogaritet në rreth 3.51 milionë euro .

Në rastin e dytë, gjatë kontrollit fizik nga inspektorët e doganave dhe Policia greke, janë sekuestruar 47 pako kokainë , me peshë bruto 53 kilogramë dhe vlera e tyre llogaritet rreth 2.39 milionë euro .

Pesha totale bruto e kokainës arrin në 131 kilogramë dhe vlera e saj është 5.9 milionë. euro. Hetimi është në vijim, ndërsa po shqyrtohet mundësia e lidhjes së çështjes me raste të tjera të ngjashme, në kuadër të përpjekjeve për çmontimin e një rrjeti ndërkombëtar të importit dhe trafikut të drogës .

trafik droge greqi

Sondazh

Poll

MË SHUMË