Politike

Rama bën propagandë para zgjedhjeve: Në qershor do ta bëjmë pagën minimale 500 euro! Do të hyjë në fuqi në janar 2026

Rama u shpreh se kur mori detyrën para mesatare në shtet ishte 372 euro. Sipas tij paga minimale ishte 157 euro dhe tani ka shkuar 400 euro.

27 Mars 2025, 08:44 Nga N.F
Rama bën propagandë para zgjedhjeve: Në qershor do ta
Rama

TIRANË- Kryeministri Edi Rama gjatë fjalës së tij në rrjetet sociale ka folur në lidhje me pagën mesatare. Rama u shpreh se kur mori detyrën para mesatare në shtet ishte 372 euro. Sipas tij paga minimale ishte 157 euro dhe tani ka shkuar 400 euro.

Më tej ai theskoi se në qershor do të rrisin pagën minimale në 500 euro. Ndërkohë në fuqi kjo rritje do të hyjë në fuqi në 2026. Rama theksoi se e ardhmja e vendit dhe e integrimit në BE do të vendoset më 11 maji.

"Kur ne morëm detyrën, paga mesatare në sektorin publik, në shtet ishte 372 euro dhe që sot, vitin 2024 e mbyllëm me 1000 euro pagën mesatare. Referoju INSTAT-it. Kemi bërë një rritje shumë të lartë. Paga mesatare të përgjithshme, e kombinuar në sektorin publik dhe sektorin privat ishte 322 euro, e kemi sot 830 euro paga mesatare sot në Shqipëri, e përgjithshmja.

Pagën minimale e kishin 157 euro, e kemi 400 euro dhe me vendim, siç e kam thënë, në qershor do ta bëjmë 500 euro, do hyjë në efekt nga janari i 2026. Shumica e bizneseve e kanë më të lartë. Kush nuk do të dëgjojë, nuk dëgjon. Kush nuk do të shikojë është më keq se ai që nuk fiton. Do ta shohim më 11 maj se çfarë do të vendosë populli. Ajo që të takon më 11 maj, është të investosh për pasaportën europiane e Shqipërisë," tha Rama.

rama

Sondazh

Poll

MË SHUMË