Politike

"Po shqyrtojmë një opsion!" Rama për strukturat hoteliere në Sarandë: 65% parapagim nëse nuk doni kontrolle gjatë pikut

Ai shtoi se janë parë disa praktika dhe për të mos hyrë me forcë dhe për të mos krijuar shqetësime te biznesi, por edhe për të filluar formalizim gradual.

24 Mars 2025, 10:19 Nga M.B
"Po shqyrtojmë një opsion!" Rama për strukturat
Edi Rama

SARANDA- Kryeministri Edi Rama ka zhvilluar një takim me sipërmarrës të rinj në Sarandë. Rama tha se po shqyrtojnë një opsion të ri i cili parashikon për strukturat hoteliere se kush parapaguan 65% taksë nuk do të ketë kontrolle gjatë pikut. Ai shtoi se janë parë disa praktika dhe për të mos hyrë me forcë dhe për të mos krijuar shqetësime te biznesi, por edhe për të filluar formalizim gradual.

"Duke bërë ekspertim me ekspertizë ndërkombëtare kemi vendosur që të japim një opsion strukturave hoteliere për të pranuar një paradeklarim me marrëveshje që në periudhën e pikut, të paguajnë 65 për qind, nëse nuk duan asnjë kontroll. Besoj është shumë e ulët në raport me të vërtetën. Duam ta fillojmë me këtë, dhe kush paguan 65 për qind të zënë për gjithë periudhën maj-shtator, nuk ka asnjë kontroll.

Por ka pas edhe 30 për qind të periudhës së dimrit që bën një lloj balance për të krijuar mundësinë që të mbahen minimumet e stafeve kështu që ata që e pranojnë marrëveshjen nuk do të kenë kontroll nga tatimet. Paguajnë 65 dhe 30% është bërë konsultim me operatorë. Janë parë disa praktika dhe për të mos hyrë me forcë dhe për të mos krijuar shqetësime te biznesi juaj, por edhe për të filluar formalizim gradual, ky është një opsion që mund ta zgjidhni ose jo, atëherë do të përballeni me kontrollet që do të kenë shumë më të ashpra", tha Rama. 

edi rama

Sondazh

Poll

MË SHUMË