Bota

Zonë e paeksploruar më parë, shkencëtarët zbulojnë lloje të reja speciesh pas shkëputjes së ajsbergut në Antarktidë (FOTO)

Sipas shkencëtarëve, zbulimi ofron njohuri të reja se si funksionojnë ekosistemet nën shtresat e akullit. Ajsbergu gjigant, i quajtur A-84, u shkëput më 13 janar, duke zbuluar një pjesë të oqeanit që kishte mbetur i paeksploruar deri më tani.

21 Mars 2025, 17:16 Nga N.F
Zonë e paeksploruar më parë, shkencëtarët zbulojnë
Ajsbergu

ANTARKTIDË- Sfungjerët e lashtë, koralet, merimangat e detit dhe oktapodët u nxorën në dritë nga kërkimet e kryera në brigjet e Antarktidës, pas shkëputjes së një ajsbergu gjigant, me madhësinë e qytetit të Çikagos.

Sipas shkencëtarëve, zbulimi ofron njohuri të reja se si funksionojnë ekosistemet nën shtresat e akullit. Ajsbergu gjigant, i quajtur A-84, u shkëput më 13 janar, duke zbuluar një pjesë të oqeanit që kishte mbetur i paeksploruar deri më tani. Ekipi i studiuesve iu afrua shtratit të detit të sapoekspozuar me anijen kërkimore Falkor më 25 janar, duke u bërë ekipi i parë shkencor që hetoi një zonë që më parë ishte e paarritshme.

"Është një nga ato ngjarje që kur ndodh, ju hiqni dorë nga gjithçka tjetër që po bëni," tha kreu i misionit, Patricia Escette.

Duke përdorur mjetin e drejtuar nga distanca ROV SuBastian të Institutit Oqean Schmidt, ekipi hulumtues regjistroi gjetjet e tyre, duke arritur në thellësi deri në 1300 metra. Shkencëtarët u befasuan nga biodiversiteti i madh i ekosistemeve dhe ata dyshojnë se zbuluan edhe disa lloje të reja.

Sipas ekipit, është e mundur që rrymat e oqeanit të transportojnë lëndë ushqyese në këto ekosisteme të Antarktidës, megjithatë, deri më tani mekanizmi i saktë për ruajtjen e jetës nën shtresën e trashë të akullit mbetet i panjohur.

ajsberg ne antartide

Sondazh

Poll

MË SHUMË