Bota

Pas Bundestagut, Këshilli Federal Gjerman miraton miliardat për mbrojtje dhe infrastrukturë

Me 53 nga 69 vota pro ndryshimeve, propozimi siguroi 2/3 e nevojshme (46 vota) të Dhomës së Lartë dhe ka mbetur vetëm firma e presidentit federal Frank-Walter Steinmeier për të zyrtarizuar vendimet për huamarrjen prej gati 500 miliardë euro.

21 Mars 2025, 15:17 Nga N.F
Pas Bundestagut, Këshilli Federal Gjerman miraton miliardat për
Foto ilustruese

GJERMANI- Këshilli Federal Gjerman, Bundesrat miratoi sot një amendament të Kushtetutës i cili do të lejojë heqjen e "frenimit të borxhit " dhe huamarrjen shtesë për financimin e shpenzimeve të mbrojtjes dhe infrastrukturës, siç propozohet nga Partia Social Demokrate (SPD) dhe Unioni Kristian Demokrat (CDU/CSU).

Me 53 nga 69 vota pro ndryshimeve, propozimi siguroi 2/3 e nevojshme (46 vota) të Dhomës së Lartë dhe ka mbetur vetëm firma e presidentit federal Frank-Walter Steinmeier për të zyrtarizuar vendimet për huamarrjen prej gati 500 miliardë euro. për modernizimin e infrastrukturës së Gjermanisë dhe krijimin e një fondi special prej të paktën 400 miliardë për shpenzimet e mbrojtjes.


Asaj i parapriu votimi pro nga Parlamenti Federal, gjithashtu me 2/3 e shumicës. Pro ndryshimeve votuan sot edhe Mecklenburg-Pomerania Perëndimore dhe Bremeni, ku bashkëqeverisnin SPD dhe e majta, të cilat kishin shprehur kundërshtimin e tyre. Pëlqimi i shteteve me SPD, CDU, CSU dhe të Gjelbërit në qeveri u konsiderua i sigurt që në fillim.

këshilli federal gjerman

Sondazh

Poll