Bota

Samiti i BE-së për konfliktin Rusi-Ukrainë, Kremlini: Evropa mbështet luftën, planet me militarizim janë në kundërshtim me politikat në SHBA dhe Rusi

27 liderët e Bashkimit Evropian po mblidhen në Bruksel për samitin me një axhendë jashtëzakonisht të ngjeshur të udhëhequr nga lufta e Rusisë ndaj Ukrainës, negociatat e nisura nga Donald Trump dhe planet e reja shumë-miliardë për të riarmatosur bllokun.

20 Mars 2025, 11:40 Nga E. D
Samiti i BE-së për konfliktin Rusi-Ukrainë, Kremlini: Evropa
foto ilustruese

BRUKSEL- 27 liderët e BE-së po mblidhen sot në Bruksel, për të diskutuar për bisedimet për paqe në Ukrainë. Ndërkohë Kremlini e ka përshkruar Evropën si një vend që mbështet luftën dhe që e dëshiro luftën. Kremlini përmes një deklarate tha se planet për militarizimin e Evropës janë në kundërshtim me politikat në SHBA dhe Rusi. Gjithashtu takimi i radhës Rusi-SHBA pritet të mbahet të dielën në Arabinë Saudite të dielën. Po ashtu Kremlini tha se takimi mund të ndodhë në fillim të javës së ardhshme, shkruan Sky News.

27 liderët e Bashkimit Evropian po mblidhen në Bruksel për samitin me një axhendë jashtëzakonisht të ngjeshur të udhëhequr nga lufta e Rusisë ndaj Ukrainës, negociatat e nisura nga Donald Trump dhe planet e reja shumë-miliardë për të riarmatosur bllokun. Takimi do të trajtojë gjithashtu nevojën për të rritur konkurrencën, menaxhimin e migracionit të parregullt, situatën në Lindjen e Mesme, rendin shumëpalësh dhe të ardhmen e buxhetit të BE-së, i cili është nën tendosje të madhe pas viteve të krizave të njëpasnjëshme.


Siç raportohet lista e temave është aq e gjerë sa krerët e shteteve dhe qeverive mund të detyrohen të qëndrojnë në kryeqytetin belg gjatë natës dhe të vazhdojnë diskutimet e tyre të premten në mëngjes. Samiti vjen i mbuluar me një ndjenjë déjà vu, duke pasur parasysh se 27-të u mblodhën vetëm dy javë më parë për të diskutuar Ukrainën dhe mbrojtjen. Takimi urgjent u mblodh si reagim ndaj diplomacisë së shpejtë të Trump dhe orientimit të tij drejt Moskës, i cili tronditi udhëheqësit dhe nxiti frikën e një kolapsi të afërt të aleancës transatlantike.

samiti ne bruksel

Sondazh

Poll

MË SHUMË