Bota

Franca përgatit "manualin e mbijetesës", pritet t'iu shpërndahet familjeve në vend, broshura prej 20 faqesh shpjegon sesi duhet të reagohet në çdo rast emergjence

Një zëdhënës nga zyra e Kryeministrit tha se qëllimi i këtij dokumenti është të sigurojë qëndrueshmërinë e popullatës përballë të gjitha llojeve të krizave, qofshin ato natyrore, teknologjike, kibernetike apo të lidhura me sigurinë.

18 Mars 2025, 22:00 Nga N.F
Franca përgatit "manualin e mbijetesës", pritet t'iu
Foto ilustruese

FRANCË- Qeveria franceze thuhet se po planifikon të dërgojë për miratim një "manual mbijetese" për çdo familje në vend me udhëzime se si të përgatiten për një "kërcënim të afërt" duke përfshirë konfliktin e armatosur, një krizë shëndetësore ose një fatkeqësi natyrore. Nëse miratohet nga kryeministri francez, François Bayrou, broshura prej 20 faqesh do t'u dërgohet familjeve para verës.

Sipas raportimeve kjo broshurë do të ndahet në tre pjesë me këshilla se si të mbroni "veten dhe ata përreth jush", çfarë të bëni nëse një kërcënim është i pashmangshëm - me një listë numrash emergjence, kanale radio dhe një kujtesë për të mbyllur dyert dhe dritaret nëse kërcënimi është bërthamor - dhe detaje se si të përfshiheni në mbrojtjen e komunitetit tuaj, duke përfshirë regjistrimin në njësitë rezervë ose grupet e zjarrfikësve.

Një zëdhënës nga zyra e Kryeministrit tha se qëllimi i këtij dokumenti është të sigurojë qëndrueshmërinë e popullatës përballë të gjitha llojeve të krizave, qofshin ato natyrore, teknologjike, kibernetike apo të lidhura me sigurinë. Raporti vjen pasi presidenti francez, Emmanuel Macron tha se Franca do të përshpejtojë dhe rrisë porositë për avionët luftarakë Rafale, duke rritur forcën ajrore të vendit për t'u përgatitur nëse duan të shmangin luftën.

Në fillim të këtij muaji, Macron i kërkoi Francës dhe Evropës që të përgatiten për t'u përballur me "kërcënimin rus" dhe mundësinë e shkëputjes së Amerikës nga kontinenti.

franca manuali i mbijeteses

Sondazh

Poll

MË SHUMË