Politike

Konferenca e PPE në Podgoricë, Berisha: Familjet mafioze të lidhura me pushtetin kontrollojnë trafikun e kokainës! Në Shqipëri çmimet më të larta të ndërtimit në Europë

Duke cituar një sondazh evropian ai theksoi se shqiptarët janë konsumuesit më të mëdhenj të kokainës në Evropë.

17 Mars 2025, 18:23 Nga N.F
Konferenca e PPE në Podgoricë, Berisha: Familjet mafioze të
Foto ilustruese

TIRANË- Kreu i Partisë Demokratike, Sali Berisha gjatë fjalës së tij në samitin Rajonal të Partive Popullore Europiane për integrimin e Ballkanit drejt BE-së në Podgorisë ka denoncuar situatën e rëndë në Shqipëri.Berisha u shpreh se familjet mafioze të lidhura me pushtetin kontrollojnë trafikun e kokainës. 

Duke cituar një sondazh evropian ai theksoi se shqiptarët janë konsumuesit më të mëdhenj të kokainës në Evropë. Berisha gjithashtu foli në lidhje me ndërtimet në vend të cilat janë më çmime të larta teksa theksoi se renditen pas Mznihut dhe Parisit.

"Familjet mafioze të lidhura me pushtetin kontrollojnë trafikun e kokainës. 3-4 ditë më parë, një sondazh europian tregoi se shqiptarët janë konsumuesit më të mëdhenj, numri 1 i kokainës në Europë. Por nëse vini, çfarë do të gjeni aty? Do të gjeni çmimet më të larta të ndërtimit në Europë. Pas Mynihut dhe Parisit aty do të gjeni çmimet më të larta të metrit katror në ndërtime.

Zonja e zotërinj aty gjeni shumë kulla, ku 80 përqind e parave të investuara aty vijnë nga burime të jashtme, para të zeza dhe jo nga burime bankare. Aty do të gjeni dhe euron që ka pësuar një rënie drastike në këmbim. 38 përqind ka rënë eksporti nga Shqipëria në drejtim të vendeve të tjera, dhe çdo vit prodhimi ka shkuar poshtë e më poshtë," tha Berisha.

berisha

Sondazh

Poll

MË SHUMË