Politike

Mbyllja e TikTok/ Rama: Nuk u mbyll se thash unë! 95% mësues e prindër kërkuan që të mbyllet

Rama thotë se janë ende në proces dialogu me kompaninë e TikTok ndërsa shton se kjo e fundit është treguar mirëkuptuese për të filluar mbylljen e aplikacionit ditë pas dite. 

17 Mars 2025, 14:44 Nga B.Z
Mbyllja e TikTok/ Rama: Nuk u mbyll se thash unë! 95% mësues e
Edi Rama

LUSHNJE - Kryeministri Edi Rama gjatë fjalës së tij në takimin me mësuesit e Lushnjes është ndalur edhe t embyllja e aplikacionit TikTok. Kreu i qeverisë thotë se nuk ka qënë vetëm vendimi i qeverisë për mbylljen e platformës online, por kanë qënë mbi 65 mijë persona prindër dhe mësues që kanë kërkuar mbylljen e TikTok. 

Rama thotë se janë ende në proces dialogu me kompaninë e TikTok ndërsa shton se kjo e fundit është treguar mirëkuptuese për të filluar mbylljen e aplikacionit ditë pas dite. 

Rama: Jemi këtu për të mbrojtur njerëzit tanë. Jemi për të mbrojtur fëmijët nga kërcënimi i madh që vjen nga rrjetet sociale dhe posaçërisht nga TikToku. Jemi të vetëdijshëm edhe për ç'ka TikToku ka pozitive. Ka qënë një vendimmarrje ku nuk ka pyetur njeri socialistë a demokratë apo se e ka thënë Edi Rama, por 95% mësues e prindër thonin të mbyllet. 65 mijë persona mësues dhe prindër janë përfshirë në këshillim dhe janë pyetur dhe 95% e tyre ka thënë të mbyllet. Është masive dhe patjetër që ne e kemi marrë vendimin të mbyllet dhe kemi hapur një dialog me kompaninë. I kemi thënë që ne nuk do ta lejojmë TikTok të hyjë në shtëpinë e familjeve tonë si skuth me gjithë ato lloj produktesh të cilat janë pa filtër dhe shkojnë direkt të fëmijët. Nuk e kemi fare me ju por duam garanci. Kompania e TikTok ka pas një reagim që nuk e prisja, kanë qënë bashkëpunues. Mbyllja ka filluar ditë pas dite.

edi rama mesues lushnje tik tok

Sondazh

Poll

MË SHUMË