Politike

Shtyhet për nesër seanca për Ajola Xoxën në Apelin e GJKKO-së, avokati kërkoi kohë të njihej me aktet

Seancën e kaluar Xoxa është shprehur se këto para janë të rregullta me burime të ligjshme dhe jo ashtu sic pretendon SPAK.

12 Mars 2025, 09:59 Nga N.F
Shtyhet për nesër seanca për Ajola Xoxën në Apelin e
Xoxa

TIRANË- Seanca në Apelin e GJKKO për ankimin e bërë nga Ajola Xoxa për lirimin e llogarive bankare është shtyrë për nesër, 13 mars. Shkak i shtyrjes së seancës ka qenë avokati i cili ka kërkuar kohë të njihejme materialet e depozituara nga ana e organit të akuzës.

Bashkëshortja e kryebashkiakut Veliaj, Ajola Xoxa është paraqitur sërish sot në Apelin e GJKKO për lirimin e disa llogarive bankare, për të cilat ajo ka bërë ankim. Seancën e kaluar Xoxa është shprehur se këto para janë të rregullta me burime të ligjshme dhe jo ashtu sic pretendon SPAK. Gjykata e shtyu seancën për sot pasi ka kërkuar kohë për tu njohur me disa prova të reja të paraqitura nga SPAK.

Xoxa është lënë në masën "detyrim paraqitje" lidhur me dosjen Veliaj, ku rezultonte se ajo ishte e përfshirë në skema abuzimesh me fondet publike. Sipas SPAK, Veliaj edhe bashkëshortja e tij, Xoxa kanë ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal dhe familjar përmes veprimeve të kamufluara dhe të kundërligjshme.

ajola xoxa

Sondazh

Poll

MË SHUMË