Aktualitet

Humbi kontaktet me familjarët dy ditë më parë, gjendet i pajetë në Gjirin e Hartës, Naim Likometi

Bëhet me dije se trupi i tij është gjetur në plazhin e Gjirit të Hartës. Nuk dihet ende shkaku i vdekjes së 49-vjeçarit.

10 Mars 2025, 16:20 Nga B.Z
Humbi kontaktet me familjarët dy ditë më parë, gjendet i
Naim Likometi

KSAMIL - Policia ka gjetur trupin e pajetë të 49-vjeçarit Naim Likometi i cili ishte shpallur i zhdukur 2 ditë më parë. Bëhet me dije se trupi i tij është gjetur në plazhin e Gjirit të Hartës. Nuk dihet ende shkaku i vdekjes së 49-vjeçarit.

Naim Likometi, me origjinë nga Tirana, humbi kontaktet me familjarët dhe miqtë që prej mëngjesit të datës 8 mars të këtij viti. Ai kishte shkuar në fundjavë në banesën e pushimeve që kishin në Ksamil, dhe kishte dalë nga shtëpia e tij rreth orës 06:00 të mëngjesit të datës 8 mars dhe që prej asaj kohe nuk kishte dhënë asnjë shenjë jete.

Pas humbjes së tij, autoritetet e policisë së Sarandës nisën kërkimet, dhe sot në mesditë gjetën rrobat dhe telefonin e tij në bregun e detit në Ksamil. Burimet nga familja konfirmojnë se telefoni celular i Likometit ka qenë i aktivizuar deri në orën 16:00 të datës 8 mars, por pas kësaj ore ka mbetur i fikur.

Ky detaj ka shtuar më shumë misterin rreth zhdukjes së tij dhe ka ngritur dyshime se mund të ketë ndodhur ndonjë një incident tragjik. Autoritetet kanë nisur hetimet për përcaktimin e shkakut të vdekjes së 49-vjeçarit si dhe zbardhjen e plotë të rastit. 

naim likometi zhdukje policia

Sondazh

Poll