Politike

Qasja e Ramës ndaj rastit Veliaj/ Kryebashkiaku nga burgu: Kam një jetë që punoj krah tij, po mban qëndrimin e duhur!

Veliaj është ndalur dhe te qëndrimi i PS dhe kryeministrit Rama, duke e cilësuar se po bëjnë gjënë e duhur dhe ka shprehur besimin e plotë ndaj kryeministrit, duke thënë se ka një jetë që punon me të.

9 Mars 2025, 20:30 Nga B.Z
Qasja e Ramës ndaj rastit Veliaj/ Kryebashkiaku nga burgu: Kam një
Erion Veliaj

TIRANË - Kryetari i Bashkisë së Tiranës, Erion Veliaj, ka folur sërish këtë mbrëmje nga qelia e burgut mbi arrestimin e tij dhe zhvillimet më të fundit politike në vend.

Veliaj i është përgjigjur nga burgu pyetjeve të emisionit “Review” në Euronews Albania teksa është ndalur dhe te qëndrimi i PS dhe kryeministrit Rama ndaj arrestimit të tij. 

Veliaj thotë se kreu i qeverisë po bën gjënë e duhur dhe ka shprehur besimin e plotë ndaj këtij të fundit, duke thënë se ka një jetë që punon me të.

Pyetje: Çfarë do t’i shtonit apo do t’i hiqnit atyre që ka shprehur Kryeministri për këtë rast?

Veliaj: Kam një jetë që punoj krah Edit dhe kam besim të plotë. Ndaj, Partia Socialiste dhe Edi Rama po bëjnë gjënë e duhur, sistemi do mbështetur dhe anomalitë që kanë prodhuar duhen adresuar bash siç thotë edhe Gjykata e Strasburgut për rastet Hysa dhe Gëllçi. Ideja burg-burg-burg përveçse e bën të pabarabartë mbrojtjen, do prodhojë një faturë që s’do e paguajë Ols Dado dhe Erion Bani, por Republika. Pra, taksapaguesit.

erion veliaj

Sondazh

Poll

MË SHUMË