Politike

Veliaj vazhdon propagandën nga burgu: Do vij i ndershëm pranë mësuesve!

Kryebashkiaku thekson sërish se sipas tij ndodhet në burg padrejtësisht, ndërsa premton se gjatë vitit 2025 do të vijojë të ndërtojë më shumë shkolla të reja edhe pse ndodhet në qeli.

7 Mars 2025, 10:14 Nga B.Z
Veliaj vazhdon propagandën nga burgu: Do vij i ndershëm pranë
Erion Veliaj

TIRANË - Kryetari i Bashkisë së Tiranës, Erion Veliaj ka vijuar propagandën nga qelia e burgut të Durrësit, aty ku ndodhet prej muajit shkurt. Veliaj ka uruar mësuesit për festën e 7-Marsit përmes një kartoline, ku shprehet mes të tjerash se "do të kthehet i ndershëm" pranë tyre. 

Kryebashkiaku thekson sërish se sipas tij ndodhet në burg padrejtësisht, ndërsa premton se gjatë vitit 2025 do të vijojë të ndërtojë më shumë shkolla të reja edhe pse ndodhet në qeli.

Postimi i Veliajt:

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje". 

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të  kundërligjshme.

erion veliaj 7-mars

Sondazh

Poll