Qatja shprehet se vendimi i ka ardhur në mënyrë të papritur në rrugë postare mëngjesin e djeshëm, pa i dhënë asnjë arsye për çfarë po e shkarkojnë.
LIBRAZHD- Drejtoresha e spitalit rajonal të Librazhdit, Fatbardha Qata është shkarkuar nga detyra me vendim të ministres së Shëndetësisë, Albana Koçiu. Ka qenë vetë drejtoresha e spitalit e cila përmes një reagimi, ka dhënë lajmin për largimin e saj nga kjo detyre. Qatja shprehet se vendimi i ka ardhur në mënyrë të papritur në rrugë postare mëngjesin e djeshëm, pa i dhënë asnjë arsye për çfarë po e shkarkojnë.
Ajo bën gjithashtu me dije se urdhri për shkarkimin e saj është firmosur më 28 shkurt nga ministrja e cila ka emëruar menjëherë pasuesin e saj që përkon një ditë para hyrjes në fuqi të emërimeve të reja në administratë, për shkak të ligjit zgjedhor që ndalon emërimet nga 3 Mars 2025. Pasuesi i saj është emëruar Ermir Sulollari i cili më herët ishte nënkryetar i bashkisë.
REAGIMI I PLOTË:
Miqtë e mi. Sot pa pritur dhe papandehur më vjen një shkresë në rrugë “postare” ku kërkohej largimi im rrufe nga puna. As shkak, as arsye. Çudi, as një njoftim paraprak, dhe për më tepër as njoftim që do të bëhej shkarkimi. Si në epokën e “qoftë largut”,ishte kjo maskaradë sot. Nuk është hataja se të përkohshëm jemi madje edhe jeta jonë e përkohshme është. Po përse bëhet ky shkarkim?! Nuk dua ta besoj që dikasteri ministror që unë kam punuar si institucion vartës me ta, të arrijë në këtë derexhe.
Është nënshkruar nga ministrja që më dt 28 shkurt dhe si ka mundësi që vrap e vrap, posta e solli sot më dt.3 mars, që në 8 e 30 të mëngjesit?! A vetëm për mua paska punuar shërbimi postar në ditë pushimi? E gjitha kjo, meqë nga dt 3 mars, fillojnë pezullimet e lëvizjeve në administratë, posta vrap e vrap mbërriti te Spitali Librazhd. Një heqje pa ekuivok besoj bëhet në shkeljet tejet të rënda. Dua të jem transparente. Unë nuk jam drejtor “kapadai” që në rrugë alladhverishe, korruptive kam mbledhur “dhjamë” dhe nëse rri pa punë kam dhjamin për t’u djegur.
Unë nga shteti im vetëm rrogën kam marrë, asgjë tjetër. Meqë më hoqët urgjent nga puna, ku do të ushqehet fëmija im? Unë jam nënë para se të jem drejtuese apo punonjëse. Ti si shtet, ku mendon se do të jem unë nesër?! Të më flakësh në rrugë? Ky është #EKZEKUTIM. Në emër të kujt? Dhe pse?! Pse qenkam problem?! Pse punoj? Pse nuk korruptohem? Pse zbatoj ligjin?! Çfarë mund të pres më pas kësaj? E gjitha për t’ iu bërë qejfi dikujt që e kam shkelur në kallo me drejtësinë time, me korrektësinë time duke zbatuar ligjin.
Përpos kësaj, mirënjohëse pafund stafit të Spitalit Librazhd& Prrenjas. E privilegjuar për 1 vit e 5 muaj, që kemi punuar dhe kemi ndarë çdo sfidë bashkë. Konsiderata për #JU meriton një status tjetër në një moment sa më të afërt. Ermir Sulollari emërohet Drejtor i Spitalit Librazhd. Sulollari mbante postin e nën kryetarit të bashkisë Librazhd.
Dumani, Çela TIRANË - I penduari i drejtësisë, Nuredin Dumani vijon dëshminë e tij në Gjykatën e Posaçme k...
Foto ilustruese TIRANA- Gjykata Kushtetuese ka reaguar pas raportimeve për vënien nën përgjim nga Prokuroria e Posaçme t&eu...
Foto ilustruese DURRËS- AFP ka raportuar se ambientalistët në Shqipëri kanë denoncuar sot heshtjen e autoriteteve dhe mungesë...
Banesa e shkrumbuar BULQIZË - Dy familje kanë mbetur në qiell të hapur pasi banesat e tyre që ndodheshin në të njëj...
Dumani TIRANË - I penduari i drejtësisë Nuredin Dumani vijon dëshmitë e tij për krimet e kryera, në seancën që...
Rexhë Byberi TROPOJË - Prokuroria e Posaçme Kundër Korrupsionit dhe Krimit të Organizuar ka dërguar për gjykim k&...
Foto ilustruese TIRANA-Lista e kandidatëve për anëtarë të Këshillit Drejtues të RTSH-së është zbardhur. M...
Foto ilustruese TIRANA- Prokuroria e Elbasanit ka nisur hetim ndaj inceneratorit të Elbasanit. Mësohet se organi i akuzës ka regji...
TIRANË - Një sherr që ka degraduar në përplasje fizike raportohet të ketë ndodhur një ditë më parë n&eu...
Fadi Alëan, Rayyan Alwan Tiranë - Detaje të reja kanë dalë në dritë nga ngjarja që u raportua muajin e kaluar ...