Politike

Dorëzohet në KQZ kërkesa e parë për regjistrimin e një koalicioni, Shehi dhe Alibeaj shkojnë në zgjedhjet e 11 majit me "Djathtas për zhvillim"

Afati për përmbylljen e dorëzimit të kërkesave për regjistrimin e koalicioneve është mesnata e sotme.

3 Mars 2025, 21:42 Nga r.ll
Dorëzohet në KQZ kërkesa e parë për regjistrimin e
foto ilustruese

TIRANË- Në Komisionin Qendror të Zgjedhjeve është dërguar kërkesa e parë për regjistrimin e një koalicioni për zgjedhjet parlamentare të 11 majit. 

Ky koalicion është krijuar mes partisë "Lëvizja për Zhvillim Kombëtar" me kryetar Dashamir Shehi dhe partisë “Djathtas 1912” me kryetar Enkelejd Alibeaj. Siç shihet në deklaratën e mëposhtme ky koalicion do të mbajë emrin “Djathtas për zhvillim”.

Dorëzohet në KQZ kërkesa e parë për regjistrimin eDorëzohet në KQZ kërkesa e parë për regjistrimin eDorëzohet në KQZ kërkesa e parë për regjistrimin e

Një tjetër koalicion është njoftuar pak ditë më parë, ai mes Nismës “Thurje” me kryetar Endri Shabanin dhe Lëvizjes Shqipëria bëhet me kryetar Adriatik Lapajn. Ky i fundit njoftoi se koalicioni do të quhet "Nisma Shqipëria Bëhet", ndonëse në KQZ nuk është dërguar ende kërkesa për regjistrim. 

Afati për përmbylljen e dorëzimit të koalicioneve është mesnata e sotme, dhe pritet që edhe PD të dorëzojë edhe rezultatin përfundimtar të negociatave të tyre për koalicion.

dashamir shehi enkelejd alibeaj zgjedhjet e 11 majit

Sondazh

Poll