Politike

"PD nuk po shkonte përpara"/ Berisha: Ditën e zgjedhjeve në 2021 thashë ‘kurrë mos thuaj kurrë’! Kam mbështetur çdo kandidat...

Berisha thotë se ka mbështetur çdo person që ka shprehur dëshirën për të kandiduar në PD, ndërsa përmend rastin e Eduart Selimit, ish-kryetar i PD. 

24 Shkurt 2025, 22:51 Nga B.Z
"PD nuk po shkonte përpara"/ Berisha: Ditën e zgjedhjeve
Sali Berisha

TIRANË - Kryetari i Partisë Demokratike, Sali Berisha ka komentuar këtë të hënë zgjedhjet parlamentare të 11 Majit. i ftuar në emisionin Çim Peka Live, Berisha u shpreh se, ditën e zgjedhjeve të vitit 2021, duke iu përgjigjur interesit të gazetarëve, ishte shprehur se ‘kurrë mos thuaj kurrë’.

Berisha u shpreh se, aty kishte parë se, Basha nuk e çonte dot më përpara PD, sepse demokratët humbën në një klimë të shkëlqyer. Më tej ai thotë se ka mbështetur çdo person që ka shprehur dëshirën për të kandiduar në PD, ndërsa përmend rastin e Eduart Selimit, ish-kryetar i PD. 

‘Nëse ju gjeni një njeri të vetëm që unë i kam thënë, mos kandido e keni të drejtë. Ishte një njeri dhe ky ishte Eduart Selami, ish-kryetar i PD. Më erdhi në zyrë në 2017 dhe më tha, Sali unë do të kandidoj. Shumë mirë Eduart i thashë. Po unë nuk kandidoja pa ardhur tek ti. Po ti mund të kandidosh i thashë se, i ke të gjitha të dhënat.

Një këshillë kam unë i thashë, sigurohu që të kesh njerëz që të të përfaqësojnë në qendrat e votimit. Eduarti kandidoi dhe unë nuk bëra asnjë anësim, as tek njeri dhe as tjetri.

Pasi humbi Eduarti, ai nisi të thotë se, më tradhtuan. Absolutisht jo. Meqë më thoni, ju nuk e dini votën time. Nuk kam lobuar aspak. Përkundrazi në 2021 ditën e votimit gazetarët që më kanë pyetur, kurrë mos thuaj kurrë.

Nuk e dija se do të më sanksiononin, por e dija se ky nuk kishte sensin e dorëheqjes dhe e dija se, ky nuk e çonte PD përpara, e prandaj kam thënë, ‘kurrë mos thuaj kurrë’, ditën e votimit.

Tani humbëm njëherë, humbëm për së dyti kur kishte një klimë të shkëlqyer. Por ky e mbylli fushatën në mënyrën më të dështuar në 32 vite. Kurrë, nuk kisha parë një mbyllje të tillë fushate. Ndërkohë që kundërshtari bënte dy mbyllje, një në sheshin Skënderbej dhe tjetrën në lungomaren e Vlorës, secila nga 5 orë’, tha ndër të tjera, kreu i PD-së.

sali berisha zgjedhje

Sondazh

Poll