Politike

VIDEO/ Në hetim për veprime që pengojnë zbardhjen e të vërtetës, pamjet e mbërritjes së Klotilda Bushkës në SPAK

Në reagimin zyrtar të SPAK për hetimet thuhet se deputetja socialiste Klotilda Bushka ndodhet nën akuzë për veprime të paligjshme.

24 Shkurt 2025, 12:16 Nga r.ll
VIDEO/ Në hetim për veprime që pengojnë zbardhjen e të
bushka ne spak

TIRANË- Deputetja e Partisë Socialiste dhe njëherësh kryetare e Komisionit të Ligjeve, Klotilda Bushka është paraqitur ditën e sotme në Prokurorinë e Posaçme. Ndërkohë janë publikuar edhe pamjet e mbërritjes së Bushkës në SPAK në kuadër të hetimeve për kryebashkiakun e Tiranës, Erion Veliaj. 

Në reagimin zyrtar të SPAK për hetimet thuhet se deputetja socialiste Klotilda Bushka ndodhet nën akuzë për veprime të paligjshme. Sipas njoftimit zyrtar të SPAK, Bushka, e cila mban edhe postin e kryetares së Komisionit të Ligjeve, është regjistruar si person i dyshuar për kryerjen e veprës penale të “Veprime që pengojnë zbulimin e së vërtetës”, sipas nenit 301 të Kodit Penal.

“Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases Klotilda Bushka Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal. Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim Klotilda Bushka ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024. Prokuroria e Posaçme Kundër Korrupsionit dhe Krimit të Organizuar falenderon Policinë e Shtetit për bashkëpunimin në fazën e ekzekutimit të masave të sigurisë”, thuhet në reagimin e SPAK.

klotilda bushka ne spak

Sondazh

Poll

MË SHUMË