Sport

Salah 'thumbon' Haaland: "Është më e lehtë për të"

Në prag të ndeshjes Manchester City-Liverpool, egjiptiani foli për krahasimin me norvegjezin, duke thënë se është më e lehtë për një sulmues të ketë gola më shumë sesa për një anësor.

22 Shkurt 2025, 14:00 Nga DOSJA
Salah 'thumbon' Haaland: "Është më e lehtë

ANGLI - Mohamed Salah po shijon ndoshta sezonin e tij më produktiv me Liverpool. Egjiptiani ka shënuar 29 gola dhe ka dhënë 20 asistime në të gjitha kompeticionet këtë sezon, duke e bërë atë golashënuesin më të mirë të Premier League me 24 gola dhe gjithashtu lider në asistime, me 15.

Në Angli, ai e ka kaluar Erling Haaland në garën për të qenë golashënuesi më i mirë, me norvegjezin që ka shënuar 19 gola. Krahasimet mes të dyve janë të pashmangshme dhe, përpara se të dy skuadrat të takohen këtë fundjavë, egjiptiani foli dhe tha se e respekton Haaland, por theksoi se pozicioni i sulmuesit ia lehtëson punën norvegjezit. Kjo pavarësisht se vazhdon...

“Kam shumë respekt për Haaland”, tha ai për Sky Germany. “Ai është një sulmues, kështu që jeta e tij është pak më e lehtë. Për një lojtar krahu, të kesh këto numra është mjaft e vështirë. Çdo ekstrem mund të konfirmojë. Kështu e shoh situatën mes nesh, sepse ai është sulmues qëndror dhe unë anësorë”, ka thënë Salah.

B.T (Dosja.al)

Sondazh

Poll

MË SHUMË