Politike

Arrestimet nga radhët e PS-së/ Rama: Kemi shtrënguar dhëmbët dhe kemi heshtur vetëm që të mos ndikonim! Drejtësia e pavarur frut i vizionit të PS-së!

Rama u shpreh se Drejtësia e Pavarur që është sot, është sipas tij frut i vizionit dhe përpjekes së Partisë Socialiste.

20 Shkurt 2025, 08:38 Nga B.Z
Arrestimet nga radhët e PS-së/ Rama: Kemi shtrënguar
Edi Rama

TIRANË - Kryeministri Edi Rama gjatë bashkëbisedimit me ndjekësit online në rubrikën "Sy m'sy", u pyet sërish për arrestimet nga radhët e PS-së dhe funksionin e drejtësisë në vend.

Rama u shpreh se për të gjtha arrestimet PS ka qëndruar e heshtur vetëm që të mos ndikonte dhe ushtronte presion në drejtësi. Më tej Rama shtoi se sipas tij, Drejtësia e Pavarur që është sot është sipas tij frut i vizionit dhe përpjekes së Partisë Socialiste.

Rama: Drejtësia e Pavarur për aq sa është pavarësuar dhe për aq sa po kontribuon për përpjekjen e përbashkët për të ulur shqipërinë në tryezën e BE është frut i vizionit dhe përpjekes së Partisë Socialiste. Është frut i qëndrimit tonë të prerë, por të ishim ne kundër drejtësisë ne do të ishim këtu pa asgjë nga ato që shikon dhe komenton. Drejtësi që i shërben pushtetit të radhës nuk do të ketë. Ne kemi heshtur për t’i dhënë mbështetje absolute strukturave të reja të drejtësisë, kemi heshtur dhe nuk kemi bërë koment asnjë rast konkret. Ka pasur momente që jemi skandalizuar, por ama kemi shtrënguar dhembët, kemi qepur gojën dhe kemi thënë që drejtësia të vijojë punën e vet. Pse? Sepse janë institucione që sapo janë krijuar, nuk kanë ardhur nga hëna nuk kanë rënë nga qielli. Kanë nevojë për kohën e tyre, do bëjnë gabimet e tyre, Fatkeqësia është se gabimet e tyre nuk janë si gabimet e ndërmarrjes së gjelbërimit, por janë gabime që kushtojnë jetë njerëzish, por që kushtojnë trauma dhe plagë psikologjike nganjëherë të pariparueshme. 

Sondazh

Poll

MË SHUMË