Politike

"I vetmi sistem në rajon ku biznesi i vogël paguan 0 taksë!" Rama: Jam i vetëdijshëm që duhet bërë diçka për të zbutur rritjen e disa çmimeve

Rama tha se një tjetër shifër e rëndësishme është 57% e të punësuarve me 0 taksë, 36%, sipas tij, janë me taksë nga 4-10%, për t’u dhënë mundësi njerëzve të kenë më shumë në xhep.

20 Shkurt 2025, 08:45 Nga M.B
"I vetmi sistem në rajon ku biznesi i vogël paguan 0
Edi Rama

TIRANA- Kryeministri Edi Rama ka zhvilluar sërish sot një bashkëbisedim me komentuesit në rrjetet sociale ku tha se është i vetëdijshëm që duhet bërë diçka për të zbutur rritjen e disa çmimeve. Rama tha se nëse kur morën detyrën ishin 100 mijë kompani aktive, sot janë 250.

Sipas tij, kjo është një shifër jashtëzakonisht domethënëse. Rama tha se një tjetër shifër e rëndësishme është 57% e të punësuarve me 0 taksë, 36%, sipas tij, janë me taksë nga 4-10%, për t’u dhënë mundësi njerëzve të kenë më shumë në xhep.

"Jam i vetëdijshëm që duhet bërë diçka më shumë për të zbutur rritjen e disa çmimeve, por faktet flasin vetë. Nëse kur morëm detyrën ishin 100 mijë kompani aktive, sot janë 250. Një shifër jashtëzakonisht domethënëse, ashtu sikundër një tjetër shifër e rëndësishme, sot kemi 57% të të punësuarve me 0 taksë, 36% janë me taksë nga 4-10%, për t’u dhënë mundësi njerëzve të kenë më shumë në xhep. Gati 10% e të punësuarve e kanë pagën mbi 10%.

Me këtë sistem që ne futëm, u kemi lënë njerëzve në xhep 145 milionë euro në vit. Janë 1.4 mld euro në 10 vite, që ua kemi hequr buxhetit të shtetit dhe ua kemi lënë qytetarëve. I vetmi sistem në rajon ku biznesi i vogël paguan 0 taksë. Kemi filluar me prodhim të përgjithshëm kombëtar më pak se 10 miliard, sot jemi afro 25 miliard. Këto janë fakte", tha Rama.

edi rama

Sondazh

Poll

MË SHUMË