Politike

Dosja "Veliaj"/ Rama 'lëshon' kryebashkiakun e Tiranës: Përgjegjësia e shkeljes se ligjit është individuale, jo kolektive! Nuk bëjmë avokatinë e askujt!

Kreu i qeverisë u shpreh se nuk bëjnë avokatinë e askujt, ndërsa deklaroi se ka ardhur koha të ngremë zërin për standardet demokratike te proceseve.

17 Shkurt 2025, 11:27 Nga B.Z
Dosja "Veliaj"/ Rama 'lëshon' kryebashkiakun e
Edi Rama

TIRANË - Kryeministri Edi Rama ka komentuar sot arrestimin e kryebashkiakut të Tiranës, Erion Veliaj. Në një bashkëbisedim me ndjekësit online, Rama deklaroi se përgjegjësia e shkeljes se ligjit është individuale dhe jo kolektive.

Kreu i qeverisë u shpreh se nuk bëjnë avokatinë e askujt, ndërsa deklaroi se ka ardhur koha të ngremë zërin për standardet demokratike te proceseve. Rama deklaroi më tej se synohet që drejtësia në 2030 të jetë një drejtësi, ku pavarësia nuk mundet kurrsesi të kthehet në asnjë rast në shqelm ndaj standardeve demokratike, lirive dhe të drejtave te çdo individi.

Rama: Vijmë tek përgjegjësia. Edhe ne një familje, lere pastaj ne një organizate, kompani, parti a shtet te tere, përgjegjësia e shkeljes se ligjit nuk është dot kolektive, është vetëm individuale. Ndërsa moralisht familja, organizata, partia apo vete qeveria, mbajnë përgjegjësi për si reagojnë ndaj rastit kur dikush nga anëtarët e tyre shkelin ligjin. 

Nga ana tjetër, ne mbetemi te palëkundur ne mbështetje të drejtësisë së re dhe reagimi ynë është drejtësia të bëjë punën e vet në pavarësi të plotë dhe ne nuk bëjmë avokatinë e asnjë individi, për rastin e vet konkret, por ama tani ka ardhur koha të ngremë zërin për standardet demokratike te proceseve. Sepse pavarësia e drejtësisë shqiptare u arrit. Për herë të parë në histori, ndërsa drejtësia europiane që duam për Shqipërinë 2030 është një drejtësi, ku pavarësia nuk mundet kurrsesi të kthehet në asnjë rast në shqelm ndaj standardeve demokratike, lirive e te drejtave te çdo individi. Pavarësi, profesionalizëm dhe garanci kushtetuese e ligjore për çdokënd që hetohet e gjykohet, po kurrsesi nuk duhet të poshtërohet në pazar e të merret peng pa gjyq dhe të tërhiqet zvarrë nëpër kanalet e lumit mediatik dhe politik me nxitje dhe ushqim nga brenda burimeve të drejtësisë.

Sondazh

Poll

MË SHUMË