Sport

Dy 16-vjeçarë shënojnë në të njëjtën natë… në të dy Kupat e Europës

Michael Noonan dhe Jorthy Mokio, të dy shënuan në kompeticionet evropiane të enjten mbrëma, njëri në Conference League me Shamrock Rovers dhe tjetri në Europa League me Ajax Amsterdam. Çfarë kanë ata të përbashkët? Janë vetëm 16 vjeç.

14 Shkurt 2025, 14:49 Nga DOSJA
Dy 16-vjeçarë shënojnë në të njëjtën
Michael Noonan dhe Jorthy Mokio do ta kujtojnë gjatë golin e tyre të parë në skenën evropiane

HOLANDE - Ishte Lamine Yamal, i cili u bë golashënuesi më i ri në histori në kompeticionet e mëdha falë golit të tij të shënuar kundër Bluve të Francës, në moshën 16 vjeç e 362 ditë, gjatë Euros së fundit.

Në vazhdën e lojtarit të ri të Barcelonës, me talentin e tij veçanërisht të parakohshëm, të rinjtë vazhdojnë të dallohen në futbollin evropian. Mbrëmjen e së enjtes, në kuadër të Kupës së Europës janë shënuar dy gola nga lojtarë të moshës... 16 vjeç.

I rregullt në rezervat e Ajax-it, Jorthy Mokio luajti ndeshjen e tij të katërt me ekipin e parë kundër Union Saint-Gilloise në ndeshjen e parë të play-off-it të Europa League. Dhe për të festuar ai shënoi, duke i dhënë Amsterdamit një epërsi me dy gola (0-2) para ndeshjes së kthimit në shtëpi.

Performanca e tij pothuajse eklipsoi atë të një tjetër lojtari të lindur në 2008, i cili gjithashtu shkëlqeu mbrëmjen e së enjtes: irlandezit Michael Noonan. Duke shënuar golin e vetëm në ndeshjen mes klubit të tij Shamrock Rovers dhe norvegjezëve Molde (1-0), në Ligën e Konferencave, ai u bë golashënuesi më i ri në historinë e Kupave të Europës, me 16 vjeç e 187 ditë.

Ai fshin kështu edhe rekordin e Romelu Lukakut, i cili shënoi në vitin 2009 me Anderlecht kundër Ajax Amsterdamit në moshën 16 vjeç e 218 ditë.

B.T (Dosja.al)

Sondazh

Poll

MË SHUMË