Politike

Në masën e sigurisë "Arrest shtëpie"/ SPAK nxjerr shifrat marramendëse: Ajola Xoxa ka blerë online veshje dhe bizhuteri me vlerë mbi 860 milionë lekë!

SPAK thotë se Xoxa për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë

10 Shkurt 2025, 16:36 Nga B.Z
Në masën e sigurisë "Arrest shtëpie"/ SPAK nxjerr
Ajola Xoxa

TIRANË - Prokuroria e Posaçme SPAK ka komunikuar sot zyrtarisht akuzat që rëndojnë ndaj kryebashkiakut Erion Veliaj dhe bashkëshortes së tij Ajola Xoxës. Një njoftimin zyrtar të SPAK, nga transaksionet dhe pagesat që shkonin nga Veliaj te Xoxa përmenden edhe shpenzimet e kësaj të fundit për veshje dhe bizhuteri.

SPAK thotë se Xoxa për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë, shpenzime të cilat nuk rezultojnë të deklaruara.

“Po kështu, Gjykata e Posaçme e Shkallës së Parë për Korrupsionin dhe Krimin e Organizuar, me kërkesë të Prokurorisë së Posaçme, me vendimin nr. 98 Akti /datë 10.02.2025 ka vendosur caktimin e masës së sigurimit pasuror, në lidhje me llogaritë bankare të ndodhura në banka të nivelit të dytë, ne emër të shtetases A. X. dhe shoqërive të lidhura me të, në shumën totale prej 869,149.78 Euro.

Nga ana tjetër, gjatë kontrollit të ushtruar  pranë zyrave të “P. L.” shpk, administruar nga shtetësja A. X., e cila është njëkohësisht dhe pronare e vetme, janë gjetur në një kasafortë dhe sekuestruar në cilësinë e provës materiale një sasi të hollash, prej 95,350 Euro (shumica prej tyre prerje 500 euro), 14,900 USD dhe 665,000 Lekë”, njofton SPAK.

ajola xoxa erion veliaj

Sondazh

Poll

MË SHUMË