Politike

Meta "merr pjesë" në protestën e opozitës, Blushi: Do të ketë një audio-mesazh të Presidentit të Partisë së Lirisë

Kreu i PL-së, ka ftuar qytetarët të bashkohen sot në protestë kundër "Narkoshtetit", ndërsa shkruan se i ka vjedhur në mënyrë të pamëshirshme shqiptarët dhe ka përzënë nga vendi përmes një axhende antikombëtare shpopullimi.

8 Shkurt 2025, 16:17 Nga r.ll
Meta "merr pjesë" në protestën e opozitës, Blushi:
meta ne protestat e kaluara

TIRANË- Sekretari i Përgjithshëm i PL-së, Tedi Blushi ka konfirmuar se në protestën e sotme  kombëtare të opozitës do të ketë një audio-mesazh të Presidentit të Partisë së Lirisë, Ilir Meta. Ky i fundit ndodhet në burgun 313 në kryeqytet. 

"Në përgjigje të interesimit të mediave, Sekretari i Përgjithshëm, z.Tedi Blushi konfirmon se në protestën e sotme kombëtare të thirrur nga Opozita e Bashkuar do të ketë një audio-mesazh të Presidentit të Partisë së Lirisë, z.Ilir Meta", thuhet në njoftimin e PL-së.

Meta ka reaguar më herët edhe përmes një postimi në rrjetet sociale lidhur me protestën. Kreu i PL-së, ka ftuar qytetarët të bashkohen sot në protestë kundër "Narkoshtetit", ndërsa shkruan se i ka vjedhur në mënyrë të pamëshirshme shqiptarët dhe ka përzënë nga vendi përmes një axhende antikombëtare shpopullimi.

Ai thekson se duhet të protestojnë sot për të rikthyer qetësinë në familjet shqiptare, qetësi që është kërcënuar rëndë nga rrugaçëria e mbrojtur nga Narkoqeveria. Meta tha se sot duhet të bashkohen për votën e lirë dhe pa kërcënimet e narkopatronazhistëve dhe Narkoqeverisë. Kreu i PL-së tha se sot do të protestojnë për jetën dhe shëndetin e kërcënuar nga betoni i kullave. 

ilir meta protesta e opozites 8 shkurt 2025

Sondazh

Poll

MË SHUMË