Sport

Telefonatë speciale: Ja si u bind Asensio të bashkohej me Aston Villa…

Spanjoli i Paris Saint-Germain ka pasur oferta nga Arabia Saudite dhe Katari

8 Shkurt 2025, 12:30 Nga DOSJA

Telefonatë speciale: Ja si u bind Asensio të bashkohej me Aston

ANGLI - Spanjoli Marco Asensio ka shkëmbyer Paris SG me Aston Villa në një përpjekje për t'i dhënë karrierës së tij një jetë të re.

Duke mos luajtur shumë minuta për parizienët muajt e fundit, lojtari 29-vjeçar pranoi sfidën e skuadrës angleze, në vend që të rreshtohej për një transferim milionerësh në Arabinë Saudite, apo Katar.

Tashmë bëhet e ditur se ky vendim është i lidhur ngushtë me trajnerin Unai Emery, i cili i ka përcjellë shumë besim lojtarit, duke e siguruar se do të ishte pjesë e planeve të tij. Trajneri i kujtoi Asensios se ai ishte përpjekur tashmë ta nënshkruante kur ai ishte ende duke luajtur për Real Madridin, duke treguar respekt total për karrierën e tij.

Krahas kësaj miqësie dhe bisedës telefonike që ka bërë me lojtarin, Unai Emery i ka shpjeguar Asensios se sistemi i tij taktik e lejon mesfushorin të luajë në pozicionin numër 10, duke u larguar nga krahët ku ka luajtur vitet e fundit.

B.T (Dosja.al)

Sondazh

Poll

MË SHUMË