Bota

OKB: Rritje alarmante e dhunës seksuale ndaj fëmijëve nga bandat në Haiti

Përfaqësuesi i Unicef-it nga Gjeneva, James Elder tha se dhuna seksuale është rritur me 1000% në Haiti. Ai shtoi se bandat e armatosura se i nënshtrojnë fëmijët ndaj mizorive të paimagjinueshme.

7 Shkurt 2025, 15:18 Nga N.F
OKB: Rritje alarmante e dhunës seksuale ndaj fëmijëve nga bandat
Foto ilustruese

HAITI- OKB-ja ka denoncuar rritjen e dhunës seksuale ndaj fëmijëve në Haiti pasi vendi është në mëshirën e dhunës së bandave që kontrollon 85% të kryeqytetit. Përfaqësuesi i Unicef-it nga Gjeneva, James Elder tha se dhuna seksuale është rritur me 1000% në Haiti. Ai shtoi se bandat e armatosura se i nënshtrojnë fëmijët ndaj mizorive të paimagjinueshme.

Për më tepër, fëmijët në Haiti janë gjithashtu në rrezik të rekrutimit nga bandat, të cilat po përhapin terror në Port-au-Prince, ndërkohë që autoritetet nuk po arrijnë t'i përballojnë ata. Vetëm në vitin 2024 rekrutimi i fëmijëve nga grupet e armatosura u rrit me 70%.

"Tani për tani, deri në gjysma e anëtarëve të grupeve të armatosura janë fëmijë -- disa prej të cilëve nuk janë as tetë vjeç," tha Elder, i cili sapo është kthyer nga Haiti.

“Shumë (nga fëmijët) janë viktima të rrëmbimit. Të tjerët mashtrohen, ndërsa disa janë të shtyrë nga varfëria ekstreme. Është një cikël vdekjeprurës: fëmijët rekrutohen nga grupe të armatosura që ushqejnë vuajtjet e tyre," vuri në dukje ai, duke kujtuar se 1.2 milionë fëmijë jetojnë nën kërcënimin e vazhdueshëm të dhunës në Haiti, vendi më i varfër në Amerikë.


Të enjten, Sekretari i Shtetit i SHBA Marco Rubio përjashtoi misionin e sigurisë së OKB-së në Haiti nga ngrirja e ndihmës ndërkombëtare të SHBA, duke i hapur rrugën dhënies së ndihmës prej 40.7 milionë dollarë. Këshilli i Sigurimit i OKB-së dha dritën jeshile në tetor 2023 për të krijuar një Mision Mbështetës të Sigurisë Shumëkombëshe (MMAS), të udhëhequr nga Kenia, për të mbështetur policinë Haitiane dhe për të trajtuar dhunën e bandave.

dhune seksuale ndaj te miturve haiti okb

Sondazh

Poll

MË SHUMË