Bota

"Gënjeshtra dhe të pavërteta"! Presidenti i Panamasë mohon deklaratat e SHBA-së

Komentet ka të ngjarë të përkeqësojnë tensionet midis dy vendeve, pasi SHBA-ja kishte përmendur përparimin në bashkëpunimin ushtarak dhe përballjen e ndikimit të pretenduar kinez mbi kanalin.

7 Shkurt 2025, 14:31 Nga E. D
"Gënjeshtra dhe të pavërteta"! Presidenti i
foto ilustruese

SHBA- Presidenti i Panamasë, Jose Raul Mulino tha të enjten se SHBA po përhapte gënjeshtra dhe vetëm gënjeshtra, pasi Departamenti i Shtetit pretendoi se anijet e qeverisë amerikane do të mund të kalonin përmes Kanalit të Panamasë pa paguar. Komentet ka të ngjarë të përkeqësojnë tensionet midis dy vendeve, pasi SHBA-ja kishte përmendur përparimin në bashkëpunimin ushtarak dhe përballjen e ndikimit të pretenduar kinez mbi kanalin, shkruan Reuters. 

Mulino më vonë shtoi në rrjetet sociale se do të fliste me presidentin amerikan, Donald Trump të premten pasdite. Panamaja ka qenë në pikëpyetje të Shtëpisë së Bardhë, që kur Trump pretendoi se rruga jetike ujore e vendit përdorej në mënyrë efektive nga Kina, dhe u zotua se SHBA do ta marrë atë përsëri. Duke folur për gazetarët, Mulino shprehu refuzimin e tij absolut, që marrëdhëniet e dy vendeve të bazohen në gënjeshtra.

Departamenti Amerikan i Shtetit nuk iu përgjigj menjëherë një kërkese për koment. Shtëpia e Bardhë gjithashtu nuk u përgjigj menjëherë. Autoriteti i Kanalit të Panamasë lëshoi ​​një deklaratë vonë të mërkurën, duke hedhur poshtë pretendimin e Departamentit të Shtetit, se qeveria e Panamasë kishte rënë dakord të mos ngarkonte më tarifa kalimi për anijet e qeverisë amerikane, një veprim që do të kursente miliona dollarë amerikanë në vit.

Trump ka akuzuar vendin e Amerikës Qendrore se ka tarifa të tepërta për të përdorur kalimin e tij tregtar, një nga më të ngarkuarit në botë. Anijet ushtarake amerikane kanë përparësi kalimi përmes rrugës ujore, sipas një traktati të neutralitetit të vitit 1977, të nënshkruar kur SHBA-të ranë dakord të kthenin kanalin në Panama. Por të gjitha anijet, pavarësisht nga origjina, destinacioni apo flamuri, duhet të paguajnë tarifa, që ndryshojnë në varësi të madhësisë dhe llojit.

“Pse po bëjnë një deklaratë të rëndësishme institucionale nga subjekti që drejton politikën e jashtme të SHBA-së, nën presidentin e SHBA-së, bazuar në një gënjeshtër?" Pyeti Mulino, duke e quajtur pretendimin thjesht dhe qartësisht të patolerueshëm. 

Mulino tha se i kërkoi ambasadorit të tij në Uashington, të ndërmarrë hapa të vendosur për të hedhur poshtë pretendimet e bëra nga administrata Trump. Më parë këtë javë, Sekretari i Shtetit i SHBA Marco Rubio u takua me Mulino në Panama, gjatë një udhëtimi nëpër Amerikën Qendrore. Pas vizitës, Rubio përshëndeti në Iniciativën Kineze Belt and Road, një plan të gjerë global të infrastrukturës së udhëhequr nga Pekini, duke e quajtur lëvizjen, një hap të madh përpara për lidhjet dypalëshe.

jose raul mulino donald trump shba

Sondazh

Poll

MË SHUMË